Öflugri, kraftmeiri og sportlegri en nokkru sinni fyrr
Það verður sumarleg stemning í sýningarsal Öskju að Krókhálsi 11 á kosningadag, 1. júní næstkomandi milli kl. 12-16, þegar nýr Mercedes-AMG CLE 53 Coupé verður frumsýndur. Bíllinn er tveggja dyra sportbíll úr smiðju Mercedes-AMG, hann skartar glæsilegri hönnun, 449 hestöflum og einstöku 4MATIC+ fjórhjólakerfi.
Mercedes-AMG skerpir sannarlega á vöruúrvali sínu með nýjum CLE Coupé.Sportlegt og glæsilegt tveggja dyra útlitið sameinar það besta úr tveimur heimum: lipurð og sportleika C-Class með rými og stærð E-class.
CLE 53 AMG Coupé er mild hybrid-bíll og er því búinn öflugri sex strokka bensínvél auk innbygðum startara sem einnig gefur viðbótarafl þegar á þarf að halda. Þá er bíllinn búinn hinu margrómaða 4MATIC+ fjórhjólakerfi auk þess að vera búinn nýstárlegri tækni s.s. fjórhjólastýringu sem tryggir hámarksstöðuleika og lipurð. Bíllinn er útbúinn nýjustu kynslóð MBUX-kerfisins með sértækum möguleikum og skjáum fyrir AMG.
Langt húdd, flöt framrúða og hallandi baklína einkenna sportlegt útlit Coupé. Halli framhlutans er stigvaxandi og gefur svokallað Shark Nose útlit sem í sameiningu við ítarlega hönnun vélarhlífarinnar styrkir sportlegt og glæsilegt yfirbragð bílsins.
Kraftmikill afturhluti einkennist af sléttu yfirborði og tvískiptum LED ljósum með þrívíddar ljósaskiptingu. Afturljósin tengjast hvort öðru með dökkrauðri hönnunareiningu sem endurspeglar breidd afturhlutans.
Tvö hringlaga púströr samþættast aftursvuntu bílsins náttúrulega. Þau eru hönnuð til þess að bæta loftflæði bílsins enn frekar.
Valfrjálsi AMG Optics útlitspakkinn býður upp á enn sportlegri áherslur og inniheldur til að mynda viðbótarsvuntu að framan og aftan, áberandi spoiler á skottið og dreifibretti að aftan. Ef vilji er fyrir því að sérhæfa útlit bílsins enn frekar fást tveir AMG Night og AMG Carbon pakkar.
Hágæða innrétting með nýjustu tækni
Innanrýmið tekur á móti farþegum með glæsilegum búnaði, einstökum efnum og nýjustu kynslóð MBUX upplýsinga- og afþreyingarkerfisins. 64 lita LED stemningslýsing tryggja ásamt 12.3” margmiðlunarskjá og 11.9” ökumannsskjás framúrskarandi notendaupplifun.
AMG Performance tryggir að ökumaður upplifir sig í alvöru sportbíl. Stýrið inniheldur innbyggða hnappa sem gera ökumanni kleift að stjórna mikilvægum akstursaðgerðum og öllum akstursforritum.
Ökumannaskjárinn býður upp á fjölbreytta möguleika sem henta vel við allskyns akstur og gefur ítarlegar upplýsingar um allt frá vélargögnum, dreifingu á gripi og greiningu á þyngdarkrafti.
Aðlagaðir skiptitímar, mikil afköst: AMG SPEEDSHIFT TCT 9G skipting
CLE 53 frá Mercedes-AMG er útbúinn hinni framúrskarandi AMG SPEEDSHIFT TCT 9G gírkskiptingu og skilar þannig aðlöguðum skiptitímum, hröðum viðbrögðum, tvöfaldri kúplingu og mörgum niðurgírskiptum. Gírskiptingin virkar nánast sjálfkrafa, sérstaklega í Sport+ aksturskerfinu og í handvirkri stillingu.
Í boði eru kraftmiklar hröðunaraðgerðir og stilltir skiptingartímar, sem og eldsneytissparandi aksturslag, allt eftir því hvaða akstursáætlun er valin.
AMG SPEEDSHIFT TCT 9G gírskiptinguna er hægt að skipta handvirkt með því að nota galvaniseruðu gírflipana sem staðsettir eru til vinstri og hægri á stýrishjólinu.
Mercedes-Benz á Íslandi býður gestum og gangandi einstakt tækifæri til þess að sjá þennan magnaða CLE 53 frá Mercedes-AMG á laugardag milli kl 12-16.
Tilvalið er að koma við á leið á kjörstað og upplifa sportlegan og kraftlegan AMG bíl frá Mercedes-Benz.
(fréttatilkynning frá Öskju)
Umræður um þessa grein