Hálfleikur í þríleik Porsche:
Kraftmikið garðteiti: Taycan sækir “Festival of Speed” heim
Stuttgart/Chichester. Porsche hefur, í fyrsta skipti, sótt hina goðsagnarkenndu Goodwood hæð heim með hreinræktaðan, rafmagnaðan sportbíl. Gjörningurinn er partur af þríleik Porsche, þar sem Porsche Taycan mun taka hafa þrjár innkomur, í þremur heimsálfum, á þremur vikum. Á Goodwood, tók frumgerð Taycan þátt með Union Jack, breska fánann á þakinu og Mark Webber við stýrið. “Krafturinn í Taycan er geggjaður,” segir hinn reyndi Formúla 1 ökuþór. “Ég keyrði hérna fyrir tveimur árum í Porsche 911 GT2 RS bíl, þannig að ég vissi sem var að hér snýst allt um kraft og hvernig honum er komið til skila. En, þó ég sé atvinnuökuþór og ýmsu vanur, er hröðun Taycan hreint út stórkostleg – það þó að um sé að ræða frumgerð bílsins,” segir Webber.
Nýverið keyrði hinn Kínverski ökuþór Li Chao Taycan. Sá keppir í Porsche Carrera Cup Asia mótaröðinni og keyrði Taycan á krefjandi braut í Shanghai. Atvinnuökuþórinn Neel Jani mun svo taka við stýrinu í tengslum við síðustu keppni í hinni rafmögnuðu ABB FIA Formúlu E mótaröð þann 13. júlí næstkomandi í New York.
Porsche Taycan mun því þar með hafa sótt heim Kína, Bretland og Bandaríkin – öll stór markaðssvæði fyrir fyrsta hreinræktaða rafmagns-sportbíl Porsche. Taycan verður frumsýndur á bílasýningunni í Frankurt í September og kemur í markað í lok ársins 2019. Eins og Porsche er von og vísa hefur markið verið sett hátt í þróun hins rúmlega 600 hestafla, fjórhjóladrifna bíls með brautarakstri, síendurteknum hröðunum og drægni sérsniðinni til daglegra nota. 800 volta hönnun bílsins gerir það einnig að verkum að hleðslutími bílsins er sérlega knappur og lithium-ion rafhlaðan mun vera um 90 kWh.
Forsala á hinum byltingarkennda Porsche Taycan er þegar hafin hjá Bílabúð Benna, í nýjum heimkynnum Porsche á Íslandi að Krókhálsi 9, en fyrsti árgangur er þegar að verða uppseldur um heim allan.
