Kia söluhæsti fólkbílinn á árinu
Kia er mest selda bílamerkið yfir fólksbíla árið 2021 á Íslandi. Kia er með 1.826 nýskráða bíla hér á landi á árinu og er með 14,3% hlutdeild. Toyota er í öðru sæti með 1.790 nýskráða bíla og 14% hlutdeild. Hyundai er í þriðja sæti með 1.133 nýskráða bíla og 8,9 % hlutdeild og Tesla í fjórða sæti með 1.053 bíla og 8,2% hlutdeild. Þetta er í fyrsta skipti sem Kia er söluhæsti fólksbíllinn á Íslandi.
Mercedes-Benz er mest selda þýska lúxusbílamerkið annað árið í röð með 437 nýskráða bíla á árinu. BMW er í öðru sæti með 293 bíla og Audi í því þriðja með 195 bíla. Alls voru 12.769 nýskráðir fólksbílar á árinu 2021 samkvæmt upplýsingum frá Bílgreinasambandinu.
Kia hefur verið á mikilli uppleið undanfarin áratug og aukið söluna jafnt og þétt og nær nú efsta sætinu yfir flestar nýskráningar. Þetta er í fyrsta skipti sem Kia nær efsta sætinu yfir árið hefur verið í öðru sætin undanfarin ár á eftir Toyota sem hefur verið í efsta sætinu í um þrjá áratugi samfleytt.
64% nýskráðra bíla eru í almenna notkun, 34% í bílaleigur og 1,1% i annað. Rafbílar eru 27,8% nýskráðra bíla á árinu, tengiltvinnbílar eru 26%, Hybrid bílar 18,2%, bensínbílar 15,8% og dísilbílar 12,2%.
Af bílaumboðunum er BL með flesta nýskráða fólksbíla, Bílaumboðið Askja er í öðru sæti og Toyota í því þriðja. Brimborg er í fjórða sæti og Hekla í fimmta sæti.
Umræður um þessa grein