Hertz og Polestar kynna stefnumótandi alþjóðlegt samstarf

Hertz og Polestar kynna stefnumótandi alþjóðlegt samstarf til að flýta fyrir innleiðingu rafbíla

Hertz kaupir allt að 65.000 rafbíla á fimm árum

ESTERO, FLÓRÍDA og GAUTABORG 4. apríl, 2022 – Hertz (NASDAQ: HTZ) og Polestar, sænskur framleiðandi hágæða rafbíla, tilkynntu í dag um nýtt alþjóðlegt samstarf sem felur í sér kaup á allt að 65.000 rafknúnum ökutækjum á næstu fimm árum. Gert er ráð fyrir að afhendingar hefjist vorið 2022 í Evrópu og seint á árinu 2022 í Norður-Ameríku og Ástralíu.

Fyrir Hertz er samstarfið hluti af stefnu fyrirtækisins um að vera leiðandi í rafvæðingu, deilihagkerfinu og í stafrænni upplifun viðskiptavina. Samstarfið við Polestar byggir á tilkynningu Hertz í október síðastliðnum um að bjóða viðskiptavinum sínum stærsta rafbílaleiguflota í Norður-Ameríku og einn þann stærsta í heiminum.

Auk þess að gera flotann aðgengilegan fyrirtækjaviðskiptavinum og ferðamönnum, er Hertz að útfæra rafbíla til deilibílanotkunar sem leið til að flýta enn frekar fyrir rafvæðingu.

„Við erum spennt að eiga samstarf við Polestar og hlökkum til að kynna hágæða rafbíla þeirra til útleigu og sem deilibíla,“ sagði Stephen Scherr, forstjóri Hertz. „Samstarf dagsins í dag við Polestar byggir enn frekar á metnaði okkar um að verða leiðandi þátttakandi í nútíma vistkerfi fyrir hreyfanleika og gera það sem umhverfisvænt fyrirtæki.

Með því að vinna með leiðtogum rafbílaiðnaðarins eins og Polestar getum við hjálpað til við að flýta fyrir innleiðingu rafvæðingar á sama tíma og við veitum leigutökum, fyrirtækjaviðskiptavinum og samstarfsaðilum í deilibílum hágæða rafbíla, einstaka reynslu og lægra kolefnisspor.“

Polestar er einn af drifkröftum rafbílavaxtar á heimsvísu og hjálpar til við að flýta fyrir breytingunni yfir í sjálfbærar samgöngu þar sem áhugi neytenda á umhverfisávinningi og þægindum vegna rafvæðingar eykst.

Polestar greindi frá því að það næstum þrefaldaði magn seldra bíla árið 2021 og gerir ráð fyrir meira en tvöföldun magns aftur á þessu ári.

Polestar gerir ráð fyrir að árlegur fjöldi seldra bíla verði kominn í 290.000 í árslok 2025. Polestar hefur áður kynnt áform um skráningu á Nasdaq New York í fyrirhugaðri sameiningu við Gores Guggenheim, Inc. (Nasdaq: GGPI, GGPIW og GGPIU), sem er gert ráð fyrir að ljúki á öðrum ársfjórðungi 2022.

„Polestar er staðfast í að hraða orkuskiptum í samgöngum með heillandi og nýstárlegu vöruúrvali,“ sagði forstjóri Polestar, Thomas Ingenlath.

„Við erum ánægð með að Hertz hafi valið Polestar sem stefnumótandi samstarfsaðila á leið sinni til rafvæðingar.

Samstarf við brautryðjanda á heimsvísu eins og Hertz mun færa breiðari markhóp þá mögnuðu upplifun að keyra rafbíl og fullnægja fjölbreyttum kröfum sameiginlegra viðskiptavina okkar um hreyfanleika til skemmri og lengri tíma. Fyrir marga þeirra gæti þetta verið í fyrsta skipti sem þeir keyra rafbíl og það verður Polestar.

Hertz mun upphaflega panta Polestar 2, margverðlaunaðan rafbíl og þann fyrsta fjöldaframleidda, sem staðfesti stöðu Polestar sem hágæða rafbílaframleiðanda.

Polestar 2 býður framúrstefnulega skandinavíska hönnun og leiðandi bíltækni. Polestar 2 inniheldur fyrsta upplýsinga- og afþreyingarkerfi heimsins knúið af Android Automotive OS með Google innbyggt fyrir hágæða rafbíla, í ökumannsmiðuðum, kraftmiklum aksturspakka.