Fiat 500e rafbíll og ítölsk stemming hjá Ísband um helgina
ÍSBAND umboðsaðili FIAT frumsýnir fyrsta 500e rafmagnsbílinn og jafnframt fyrsta 500 bílinn með 3+1 hurðum laugardaginn 6. nóvember.
500e er ítölsk hönnun þar sem mikið er lagt upp úr sérstöðu, fallegu útliti innan sem utan og notagildi.
Fyrstu 500e bílarnir koma í 9 mismunandi litum og útfærslu sem kallast „La Prima“ sem er hlaðin aukabúnaði eins og 3+1 hurðum (3+1 hurð er afturhurð farþegamegin sem auðveldar aðgengi að aftursætum), leðursætum, leðurstýri, hita í sætum, 10,25” skjá með leiðsögukerfi, þráðlausri símahleðslu, sjálfvirkri miðstöð með loftkælingu, bakkmyndavél, þráðlausu Apple/Android Carplay, 85KW hraðhleðslu, 17” álfelgum, 360? fjarlægðaskynjurum, Led ljósum, lykillausu aðgengi og ræsingu, glerþaki, fjarlægðastilltum hraðastilli með hraðaskiltalesara o.fl.
Drægni 320 til 460 kílómetrar
Rafhlaðan er 42kW og er 8 ára ábyrgð á rafhlöðu og 5 ára ábyrgð á bílnum. Drægnin er 320 km skv. WLTP í blönduðum akstri og allt að 460 km innanbæjar. 500e er sjálfskiptur og framdrifinn. Með 85kW hraðhleðslu er hægt að hlaða 50 km drægni á 5 mínútum.
Ítalskt kaffi og veitingar
Það verður ítölsk stemming hjá ÍSBAND á laugardaginn þar sem kaffibarþjónn frá Lavazza töfrar fram úrvals ítalskt Lavazza kaffi ásamt fleiri veitingum.
Sýningin er opin á milli kl. 12-16 á laugardaginn 6. Nóvember, og er í sýningarsal ÍSBAND í Mosfellsbæ, Þverholti 6.
