Hjólhýsi sem flýtur loks til sölu

Hverjum hefur ekki dreymt um að hengja aftan í bílinn sinn lítið hjólhýsi sem hægt er að fara með hvert á land, og hvert á vatn, sem er? Sealander, hannaður af Daniel Straub, hefur verið í boði síðan 2014, en hann fékk talsverðar endurbætur á þessu ári. Hægt að sigla honum á vatni  og tekst það án þess að vera of fyrirferðarmikill eða þungur til að krefjast viðbótar ökuskírteinis fyrir eftirvagn. Hins vegar er besti hlutinn við þetta þýsk framleidda hjólhýsi að það fórnar ekki þægindum fyrir sjávarhæfni.

Ekki búast samt við því að hjólhýsið verði með jafn mikinn lúxus eða eins rúmgóð og snekkja.

Sealander er pínulítill og léttur, en hann státar einnig af því að vera mjög sterkur og áreiðanlegur. Sex fullorðnir geta setið saman við borð og geta tveir sofið á alveg þægilegan máta þegar sófarnir eru lagðir niður til að búa til rúm.

Sealander kemur útbúin með tvöföldu panorama gleri og útfellanlegu þaki, það hleypir inn nóg af náttúrulegu ljósi og býður uppá að njóta útsýnisins meðan verið er á vatni. Framleiðendurnir prófuðu það við Eystrasaltið, en miðað við að aukavélin getur aðeins náð um það bil 5 mílur á klukkustundar hámarkshraða, þá er Sealander tilvalinn fyrir vötn eða lognar ár.

Sealander er með Torqeedo rafmagns utanborðsmótor, sem þú einfaldlega lækkar í vatnið á eftir hjólhýsinu og þú ert farinn að sigla.

Verð er frá $22.000, um 3 mlj.ískr. og aukahlutirnir eru mismunandi. Það fer eftir því hvað þú ætlar að nota 2 manna hjólhýsið fyrir.  Þú getur útbúið það með eldavél, vaski og sturtu, hágæða hljóðkerfi, ísskáp eða ferskvatns salerni.

Sealander er hægt að draga með nánast hvaða bíl sem er vegna þess hve léttur  hann er. Fyrir framleiðendurna var markmiðið að fylgja þér hvert sem hugur þinn girnist.

Byggt á frétt frá autoevolution.

Sett inn
2/12/2019
í flokknum:
Umferð

Fleiri fréttir úr flokknum:

Umferð

skoð allt

Skráðu þig á póstlistann okkar
Fáðu nýjustu greinarnar í pósthólfið þitt

Thank you! Your submission has been received!
Oops! Something went wrong while submitting the form.