Samkvæmt frétt á vef Torque Report í Bandaríkjunum hefur Jeep ákveðið að auka getu Jeep Wagoneer með kynningu á 2025 Jeep Wagoneer Overland Special Edition. Overland pakkinn bætir við nokkrum eiginleikum til að gera hann enn hæfari þegar malbikinu lýkur.
2025 Jeep Wagoneer Overland Special Edition
Wagoneer Overland Special Edition fær 32 tommu alhliða dekk, Quadra-Lift loftfjöðrun, tveggja gíra millikassa, þrjár sleðaplötur, Quadra-Drive II 4×4 kerfið er með rafrænu mismunadrifi með tregðulæsingu, tvo dráttarkróka að framan og dráttarpakka fyrir eftirvagn.
2025 Jeep Wagoneer Overland Special Edition – að innan
Að utan sker hann sig úr með svörtu máluðu þaki, svörtum innréttingum, þversláum á þakgrind og útsýnislúgu. Að innan eru Nappa leðursæti og gólfmottur fyrir alls kyns veður.
Jeep ætlar aðeins að smíða 2.000 eintök af 2025 Jeep Wagoneer Overland Special Edition. Pakkinn bætir um sem svarar 737.000 krónum við verð Wagoneer, sem er á 9.520.00 ISK eða 74.835 dollarar á heimamarkaði í Bandaríkjunum.
(vefur Torque Report)
