Laugardaginn 27. september kl. 12-16 í sýningarsal XPENG að Vínlandsleið 6-8
Reykjavík, september 2025 – XPENG, eitt hraðast vaxandi rafbílamerki í heimi, kynnir nú uppfærðar útgáfur af hinum vinsælu G6 og G9 rafbílum á Íslandi. Rafbílarnir koma báðir í nýjum litum, með nýrri hönnun, enn betri tækni og hraðhleðslu í fremstu röð.
XPENG G6 – hraðhleðsla og hagkvæm nýsköpun
Nýr G6 sameinar stílhreina hönnun og praktísk notagildi. Hann kemur með allt að 535 km drægni (WLTP) en með 800V háspennu-kerfi og nýrri LFP rafhlöðu hleðst hann úr 10% í 80% á einungis 12 mínútum sem er hleðsla í fremstu röð. Innanrýmið er nú enn betra með vönduðum efnum, panoramic glerþaki og snjöllum lausnum sem gera aksturinn bæði þægilegri og öruggari.
XPENG G9 – lúxus og afl í flaggskipi XPENG
G9, flaggskip XPENG, býður upp á lúxus og afköst í einum pakka með allt að 540 km drægni (WLTP), hraðhleðslu á 12 mínútum og fjölbreyttum þægindum. Í boði eru nudd, loftræsting og hitun í sætum, panoramic glerþak og afar rúmgott innanrými fyrir alla fjölskylduna. Með nýrri „Black Edition“ útfærslu fær hann sportlegri og kraftmeiri ásýnd.
Eins árs afmæli á Íslandi
Frumsýning XPENG á Íslandi var 21. september 2024 og á XPENG því eins árs afmæli á Íslandi. Síðan þá hafa yfir 220 XPENG bílar verið nýskráðir á götur Íslands. XPENG G6 er fjórði mest seldi rafbíllinn á Íslandi það sem af er ári 2025 og hefur XPENG því sannað sig sem valkost fyrir fólk sem vill nýjustu tækni, öryggi og gott verðmæti í rafbílakaupum. Með nýju G6 og G9 styrkir XPENG stöðu sína enn frekar og býður íslenskum viðskiptavinum upp á tæknivædda rafbíla með framúrskarandi hleðslugetu og notagildi.
„Fyrstu viðtökur á Íslandi og í raun fyrsta árið hafa farið fram úr okkar björtustu vonum. Með nýjum G6 og G9 getum við boðið viðskiptavinum enn meiri tækni, aukin þægindi og hraðhleðslu sem hentar íslenskum aðstæðum sérstaklega vel,“ segir Þorgeir R. Pálsson, framkvæmdastjóri Bílaumboðsins Ösku, sem sér um sölu og þjónustu XPENG á Íslandi.
Frumsýning fer fram laugardaginn 27. september kl. 12–16 í sýningarsal XPENG að Vínlandsleið 6–8. Gestum býðst þar að skoða bílana, kynna sér nýjungarnar og bóka reynsluakstur. Nýju XPENG G6 og G9 eru þegar komnir í forsölu.
