Wrist tvist stýrið
Árið 1965 datt mönnum í hug að finna upp hjólið – aftur. Það sást bara miklu betur á mælaborðið, þú gast slakað á við aksturinn, þurftir ekki að snúa stóru stýrishjóli og þreytast þannig í handleggjum og úlnliðum. Hér er grein um þetta sérstaka „stýri“.
Snúningssæti
Á milli 1950 og 1960 voru sett snúningssæti í nokkra ameríska bíla. Sæti þessi áttu að gera „karlmanninum auðveldara fyrir að stíga út úr bílnum auk þess sem það yrði minna átak fyrir kvenmanninn,“ samkvæmt auglýsingum þess tíma.
Chrysler, Ford og Chevrolet settu snúningssæti í einhverja bíla sína á tímabilinu.
Vatnsfylltir stuðarar
Á sjöunda áratugnum kom upp sú hugmynd að gott gæti verið að dempa högginn við aftanákeyrslu með því að fylla stuðarann af vatni.
Það var næstum dýrara að gera við stuðarann en bílinn þannig að fljótlega hurfu bílaframleiðendur frá vatnsfylltu stuðurunum.
Snúningsstýrið
Hvers vegna að hreyfa sætin ef þú gast fært stýrið? Hugmyndin sást fyrst hjá Ford í glæsilegum Ford Thunderbird árgerð 1961.
Ökumaðurinn gat hallað sér að farþeganum og lagt sig með stýrið í kjöltunni og fært það frá sér þegar stigið var út úr bílnum.
Vínyl topparnir
Til hvers að hafa topp úr plasti þegar hægt er að hafa hann úr stáli og lakkaðan? Jú, eflaust flott en á mörgum stöðum á jörðinni bráðna vinyltoppar hreinlega á bílum. Erfitt er að gera við þá og bölvað vesen að halda þessu hreinu og fínu.
Plötuspilarar í mælaborðinu
Einhverjum datt í hug að hafa ekki bara útvarp í mælaborðinu heldur líka plötuspilara. Það þarf ekki að fjölyrða um að þessi hugmynd var algjört flopp. Hér er grein um bílaplötuspilarana.
Minibar í hanskahólfinu
Það er ekkert afleit hugmynd að vera með bar í bílnum. Hins vegar gæti verið að hanskahólfið væri ekkert endilega besti staðurinn. Cadillac Eldorado Brougham árgerð 1957 var með slíkan bar og jafnvel var hægt að fá klakabox með.
Það lukkaðist ekki vel að fá sér drykk á ferð. En þetta sést í bílum enn í dag.
Frystir fyrir klakana í vélarvana Toyotu
Á níunda áratugnum kom nokkuð klikkuð hugmynd á markað frá Toyota. Þeir settu Toyota Minivan á markað í Bandaríkjunum. Bíllinn var boðinn með 90 hestafla vél og frysti fyrir klaka. Af hverju ekki að setja bara frysti þarna frammí ?
Aukasæti á pallinum
Þið munið eflaust eftir Subaru pallbílnum. Frekar asnalegur bíll. Bandaríkjamenn vildu sporna við samkeppni á áttunda áratugnum og lögðu skatt á slíka bíla. Og til að fara framhjá þessum skatti varð bíllinn að vera með sæti fyrir þrjá farþega.
Subaru nefndi bílinn Brat og boltaði niður tvo plaststóla á pallinn og seldi bílinn síðan grimmt í henni Ameríku.
Lightning rod shifter, þrjár gírstangir
Til að gera einfalda hluti flókna þarf oft hugmyndaauðgi. Þriggja gírstanga skiptingin varð aldrei vinsæl. Í hvaða gírstöng á maður að grípa? Lightning rod shifter var búnaður sem gerði nákvæmlega það sama og búnaður með eina gírstöng.
