Þessi sjálfhlaðandi námutrukkur er stærsta rafknúna ökutæki heims

Þessi sjálfhlaðandi námutrukkur er stærsta rafknúna ökutæki heims

Hann sparar 50.000 tonn af dísileldsneyti árlega

Við erum gjarnan að segja hér frá nýjum og spennandi bílum, venjulega flottum fólksbílum og sportbílum, en hér er ein „öðru vísi“ frétt, eða um stærsta rafknúna bíl í heimi.

Svissneska deildin hjá vélaframleiðandanum Kuhn hefur áhuga á að rafvæða trukkaflotann í námum. Þeir breyttu dísilknúnum risatrukk til að keyra á rafmagni og prófuðu trukkinn við vinnu í námu sem er í útjaðri Biel í Sviss. Trukkurinn er kallaður „eDumper“, og hann er stærsta rafknúna ökutæki í heimi.

EDumper byrjaði lífið sem Komatsu HD 605-7 sem knúinn var af risastórri dísilaflvél, sex stokka línutúrbódísilvél með 23,1 lítra rúmtaki. Trukkurinn er 9,4 metrar að lengd, 4,26 m á breidd og 4,26 m á hæð. Nettóþyngdin er 46,2 tonn og palluriunn rúmar 40 m³. Hámarkshraðinn er 70 km/klst.

Kuhn Schweitz fjarlægði sex strokka aflvélina og setti í staðinn rafmótora sem sækja rafstraum úr liðlega 4.000 kílóa, 600 kWklst litíumjónarafhlöðu. Til að bæta við samhengi er stærsti rafhlöðupakkinn sem boðið er upp á Tesla Model X með 100 kWh getu.

Hleður sig sjálfur á leiðinni til baka

Pakkinn vinnur með endurnýjandi hemlunartækni til að gefa eDumper raunverulega óendanlegt aksturssvið. Vísindamenn hafa ekki fundið langþráða byltingu í rafhlöðutækni; þeir notfæra sér bara grunneðlisfræði. 45 tonna eDumper ekur upp 13 prósenta halla til að ná í 65 tonna farm af kalki og kalkríkum jarðvegi sem það þarf að koma til nærliggjandi sementsverksmiðju. Trukkurinn er svo þungur þegar hann ekur aftur niður að endurnýjandi hemlakerfið nær að búa til mesta eða alla þá orku sem notuð er til að fara upp á hæðina.

Mun spara um 50.000 tonn af dísilolíu árlega

CNN setti nýlega ökumann úr Formúlu E-keppninni, Luca de Grassi, í stjórnklefann á eDumper. Hann fór af stað með 90% hleðslu á rafhlöðunum, komst á toppinn með 80% eftir og fór aftur upp í 88% hleðslu eftir að hafa farið niður brekkuna. Hver ferð er svolítið mismunandi, en Kuhn útskýrði að eDumper skapi venjulega meiri orku en trukkurinn eyðir. Að nota rafhlöður sem orkugjafa sparar um það bil 50.000 tonn af dísel árlega.

?