Polestar hefur formlega afhjúpað nýja flaggskipið sitt, 2026 Polestar 5, glæsilegan fjögurra dyra rafmagns Grand Tourer sem er nánast eins og áberandi Precept hugmyndin sem fyrst var sýnd árið 2020.
Hannaður til að keppa við afkastamikla rafbíla eins og Porsche Taycan og Tesla Model S, sameinar Polestar 5 skandinavískan mínimalisma með alvöru afli og langri drægni.
Hönnun innblásin úr flugvélaiðnaði
Polestar 5, sem er næstum fimm metrar að lengd, heldur djörfum, framtíðarlegum hlutföllum Precept hugmyndarinnar með aðeins örlitlum breytingum.
Ytra byrðið einkennist af mjúkum línum sem teygja sig yfir loftfræðilega, vænglaga útlínu með lágu húddi, sterklegum og breiðum afturhluta og einkennandi Pixel LED aðalljósum Polestar.
Risastórt víðáttumikið glerþak og loftmótstöðustuðull upp á aðeins 0,24.
Lúxus og sjálfbær innrétting
Polestar 5 býður upp á rúmgóða sætaskipan, með framsætum hönnuðum af Recaro sem veita bæði þægindi og stuðning. Innra rými er samsett úr blöndu af hágæða efnum eins og Bridge of Weir Nappa leðri, auk nýstárlegra sjálfbærra efna eins og hör, Econyl teppa og endurunninna PET efna.
14,5 tommu langsum-upplýsingaskjár keyrir Android Automotive OS frá Google, á meðan 21 hátalara Bowers & Wilkins hljóðkerfið býður upp kristaltæran hljóm.
Frammistaða og aflkerfi
Polestar 5 kemur er kynntur í tveimur útgáfum:
- Polestar 5 Dual Motor – 737 hestöfl, 812 Nm togi, 0–100 km á klukkustund á 3,9 sekúndum.
- Polestar 5 Performance – 872 hestöfl, 1016 Nm togi, 0–100 km á klukkustund á 3,2 sekúndum.
Báðar gerðir eru rafrænt takmarkaðar við 250 km hraða á klukkustund. Krafturinn kemur frá nýþróuðum afturmótor, ásamt 800 volta rafmagnsuppbyggingu sem styður mjög hraða hleðslu allt að 350 kW. Á DC hraðhleðslutæki getur 112 kWh rafhlaðan farið úr 10 í 80% á aðeins 22 mínútum.
Akstursdýnamík
Byggður á nýjum samlímdum ál Performance Architecture frá Polestar, er Polestar 5 bæði léttur og ótrúlega stífur, með meiri snúningsstyrk en margir ofurbílar.
Fjöðrunarvalkostir eru meðal annars demparar með vökvadrifinni dempun eða aðlögunarhæfir MagneRide demparar á Performance gerðinni. Hemlun er stjórnað með Brembo fjögurra stimpla bremsuklossum og léttum tveggja parta diskum, á meðan sérhönnuð Michelin dekkin (20–22 tommur) fullkomna aksturspakkann.
Byggt á grein Torque report
