Nýtt ár, nýr bíll, nýtt keppnistímabil. Þetta er bara spennandi! Haas-liðið undir stjórn míns uppáhalds orðljóta karls, liðsstjórans Guenthers Steiner, skaut öllum öðrum keppnisliðunum ref fyrir rass og var fyrst allra til að kynna nýjan keppnisbíl.
Bíllinn, VF-22 lítur, vel út og vonum bara að hann verði ekki tilefni fúkyrðaflaums frá meistara Steiner.
Tæknistjóri liðsins Simone Resta útskýrir í allmörgum orðum tæknilegar áskoranir sem þurti að mæta við smíði bílsins og lesa má hér en ljóst er að nýr bíll var heldur betur það sem þetta lið þurfti á að halda því sá gamli var ekki alveg málið – enda ekkert sniðugt að keppa í Formúlu 1 á tækjum sem helst eiga heima á Þjóðminjasafninu.
Hvað um það! Áður en hér skrifast einhver dómsdagsþvæla er rétt að líta á myndir (tölvugerðar en myndir engu að síður) af bílnum,
Svo gætu margir haft áhuga á speki spekinganna hjá The Race sem áðan birtu myndband undir yfirskriftinni: Hvað frumsýning Haas segir okkur um keppnisbílana 2022.
Tengdar greinar:
Ungur Schumacher leynir á sér
Aston Martin-liðið á fleygiferð
Keppnin er líka utan brautarinnar
?
Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.
