Porsche gefur okkur fyrstu innsýn í væntanlegan Cayenne Electric, sem verður formlega frumsýndur í lok þessa árs. Alrafknúni jeppinn mun bætast við bensín- og tengitvinnbíla Cayenne gerðirnar, en Porsche er að aðgreina rafbílinn með algjörlega endurhönnuðu innanrými sem blandar saman stafrænni nýsköpun og sportlegu einkennandi DNA.
Í miðju farþegarýmisins er nýr Flow Display frá Porsche, bogadreginn OLED skjár sem teygir sig inn í miðborðið. Hann er paraður við fullkomlega stafrænt 14,25 tommu mælaborð og valfrjálsan 14,9 tommu farþegaskjá fyrir skemmtun og appstýringu.
Sjónlínuskjár með auknum veruleika er einnig fáanlegur sem varpar leiðsögn og akreinaleiðsögn beint á veginn framundan.
Porsche segir að nýi stafræni stjórnklefinn geri ökumönnum kleift að sérsníða skipulag með búnaði og litaþemum, á meðan nýr gervigreindarknúinn raddaðstoðarmaður getur stjórnað öllu frá loftslagi og lýsingu til upplýsinga og leiðsagnar.
Cayenne Electric innréttingin snýst ekki bara um skjái. Porsche hefur bætt við nýjum þægindaeiginleikum, þar á meðal rafstillanlegum aftursætum, stemningsstillingum fyrir ljós, hljóð og loftræstingu fyrir mismunandi akstursstemningu og yfirborðshita sem hitar sæti, armpúða og hurðarplötur fyrir jafnara og skilvirkara hitastig í farþegarýminu.
Risastórt glerþak – það stærsta sem nokkru sinni hefur sést hjá Porsche – notar fljótandi kristaltækni til að skipta á milli skýrra, mattra og hálfgagnsærra stillinga með því að ýta á hnapp.
Sérstakar stillingar ná nýjum hæðum með 13 litasamsetningum á innréttingu, fjórum innréttingarpökkum og fimm hreimvalkostum (svo enskan manns skiljist). Kaupendur geta valið úr nýjum litatónum eins og magnesíumgráum, lavender og salvíugráum, eða valið leðurlausa Race-Tex innréttingu með Pepita áprentun sem vísbendingu um arfleifð Porsche.
Skrautútfærslur, saumar og Porsche Exclusive Manufaktur valkostir leyfa næstum endalausa sérþættingu, þar sem Sonderwunsch forritið býður upp á fjölbreytileika fyrir einstaka sköpun.
Tæknin heldur áfram með nýja Porsche Digital Key, sem notar Ultra Wideband (UWB) til að opna jeppann með snjallsíma eða snjallúri. Hægt er að deila lyklinum með allt að sjö notendum í gegnum öruggt app.
Á tækni- og afþreyingarsviðinu er Porsche að auka streymis- og leikjamöguleika fyrir farþega, sem gerir Cayenne Electric jafn mikið að tengdri setustofu og hann er afkastamikill rafbíll.
2026 Porsche Cayenne Electric lofar grettistaki fyrir lúxus rafjeppa með háþróaðri innréttingu, nýju stafrænu stýrikerfi og miklu úrvali af sérsniðnum lausnum. Allar upplýsingar um tæknilýsingar og frammistöðu verða birtar þegar nær dregur opinberri frumraun hans síðar á þessu ári.
Byggt á grein af vef Torque report
