Árið 1978 var Pontiac Firebird Trans Am farinn að festast í sessi sem einn af allra táknrænustu amerísku sportbílum sögunnar. Þetta var bíll sem sameinaði hráa ameríska aflið, ósvikinn „muscle car“ karakter og dramatíska kvikmyndadýrð — að hluta til vegna tengingar við kvikmyndina Smokey and the Bandit, sem kom út ári áður og gerði Trans Am að draumabíl tugþúsunda.
Einn sá flottasti frá Ameríku
Bíllinn sem hér er til umfjöllunar er einstaklega vel búinn og hefur fengið ást, umhyggju og uppfærslur í gegn árin. Hann er í litnum Mayan Red, djúpum og klassískum rauðum lit sem fangar stemninguna frá seinni hluta sjöunda áratugarins og setur sterkan svip á bílinn.
Innréttingin er í Camel lit, sem er hlý og glæsileg og það er eins og maður finni lyktina af leðrinu þegar maður skoðar það á myndunum. Innréttingin er sportleg og skapar skemmtilegt andstæður við kraftalegt útlitið.
Undir húddinu (eða öllu heldur við skiptinguna) er bíllinn búinn TH350 sjálfskiptingu, einni áreiðanlegustu og vinsælustu GM skiptingu síns tíma. Hún er gerð fyrir tog og sprengikraft og þolir vel allt það sem Trans Am var hannaður til að gera — hröðun, mikinn hraða og úthald.
Til að tryggja góða meðhöndlun eru vökvatengdar diskabremsur að framan, en að aftan vökvaknúnar tromlubremsur, eins og algengt var á þessum bílum. Þessi blanda gaf mikinn skriðkraft, stöðugleika og gott grip þegar þurfti að stoppa þennan þunga og kraftmikla vöðvabíl.
Man einhver eftir því hvernig var að dúndra niður bremsunni á amerískum bíl með „power” bremsum?
Tímalaus fegurð
1978 árgerðin var hluti af annarri kynslóð Trans AM, sem margir telja fallegustu línurnar sem Pontiac skapaði. Einkennandi framhluti með djúpum línum og loftinntak á húddinu.
Þessi Mayan Red Trans Am fangar allt það. Litir, innrétting og línurnar sem renna saman gera hann að fullkomnu dæmi um hve amerískir sportarar gátu verið bæði grimmir og sportlegir á sama tíma.
Bíll sem lifir
Trans Am 1978 hefur á síðustu árum orðið eftirsóttur safngripur, en ekki bara til að láta standa í bílskúr.
Eiginleikar eins og TH350 skiptingin og blanda diskabremsa og tromlubremsa gera hann enn einn af þægilegri sportbílum í akstri, jafnvel á löngum ferðum.
Sumir segja að Trans Am sé ekki bara bíll — heldur viðhorf. Þetta á svo sannarlega við um þetta tiltekna eintak.
Bíllinn á myndunum er til sölu á vefsíðunni www.streetsideclassic.com
