Grunngerð rafbíla Skoda verður ódýr borgarjeppi
Svar Skoda við Volkswagen ID 2 og Cupra UrbanRebel er nettur, rafknúinn jeppi
Skoda mun fylgja Volkswagen og Cupra með því að bjóða upp á fyrirferðarlítinn rafbíl fyrir þéttbýli sem verður smíðaður á MEB Entry grunni Volkswagen Group árið 2025, og sem kemur í rauninni í stað Citigo-e iV, segir Autocar-vefurinn á Bretlandi og birtir sína mynd af því hvernig bíllinn gæti á endanum litið út (myndin hér efst í fréttinni)
Autocar segir að bíllinn muni kosta undir 25.000 evrum (undir 3,75 milljónum ISK). Þetta er rafknúinn þéttbýlisbíll – sambyggður og smíðaður samhliða framleiðsluútgáfum Volkswagen ID 2all og Cupra UrbanRebel hugmyndabílanna – verður grunngerðin í nýtt útlit og mjög stækkaða rafbílalínu Skoda.
Hann var formlega forsýndur í fyrsta sinn í dag – eða öllu heldur módel sem sýnir útlit hans, sem staðfestir að hann verður í „ofurmíní“-stærð en er með jeppaútliti og er með harðgerðum útlitseinkennnum til að samsvara við Skoda-jeppa í fullri stærð.
Þessi nýja grunngerð rafbíla Skoda verður í raun settur fram sem valkostur við Skoda Fabia, auk þess sem Fabia verður seld í að minnsta kosti nokkur ár enn, í samræmi við áætlun Skoda um að halda uppi sölu bíla með brunavél þegar fyrirtækið færist yfir í hreina rafmagnslínu.
Módel af frumgerð nýja rafdrifna borgarjeppans frá Skoda
Skoda sagði að markmið sitt væri að bíllinn seljist á byrjunarverði um 25.000 evrur til að „koma með rafmagnshreyfanleika á viðráðanlegu verði“. Þetta samsvarar við ID 2all, en UrbanRebel á að vera aðeins dýrari valkostur.
Litli rafdrifni borgarbíllinn frá Skoda frá hlið. Hann verður í sömu stærð og Cupra UrbanRebel systkini hans
Nýr Skoda verður ein af fyrstu gerðum til að sitja á framdrifnum MEB Entry grunni Volkswagen Group, sem getur tekið við tveimur rafhlöðustærðum, 38kWh og 56kWh, en sú síðarnefnda býður upp á 450 km drægni. Gert er ráð fyrir að minni útgáfan verði í grunngerðinni.
Áhrif stærri Skoda Vision 7S hugmyndarinnar eru skýr
ID 2all hugmyndabíllinn notar 223 hestafla mótor á framöxli sem gefur hröðun 0-62 mílur/klst (0-96,5 km/klst) sem er innan við 7,0 sekúndur, en það er ekki enn staðfest hvort rafbíllinn frá Skoda verði svo öflugur.
Ekki er enn vitað um frekari smáatriði, en Skoda hefur staðfest að minnsti rafbíllinn þeirra muni vera með stórt farangursrými upp á um 460 lítra, svipað og núverandi Scala.
Hvort Skoda muni, eins og Volkswagen, leitast við að stækka rafbílaframboð sitt í neðri enda framboðsins – undir þessum nýja crossover – á eftir að staðfesta, en bæði Volkswagen og Cupra hafa gefið í skyn áætlanir um að bjóða bæði lága og hærri bíla í þessum flokki.
Nýr 2023 Skoda Superb kemur seinna á þessu ári
Skoda Superb hlaðbakur og stationbíll endurnýjaðir með endurbættum tengitvinnbúnaði og aflrásum með brunavél
Skoda hefur sýnt „skuggamyndir“ Superb í bæði hlaðbaks- og kombiformi áður en hann verður sýndur í heild sinni síðar á þessu ári. Báðar gerðirnar verða byggðar á mikið uppfærðri útgáfu af MQB-grunni núverandi bíls, en eru með umtalsverðum breytingum alls staðar annars staðar, með alveg nýrri hönnun að innan sem utan, ásamt miklu meira úrvali af mildum og tengitvinndrifum aflrásum.
Auk þess að öðlast nýjustu rafvæddu tæknina mun næsti Superb Skoda einnig fá örlítið aukna lengd og hjólhaf, sem opnar enn meira pláss í innanrýminu. Nýju myndirnar sýna að bæði hlaðbakur og station munu deila að mestu svipuðum prófíl og núverandi gerðir.
Nýr 2023 Skoda Kodiaq kemur á markað í haust
Skoda er að þróa alveg nýja útgáfu af Kodiaq-sportjeppanum sínum
Þrátt fyrir að hann hafi verið settur á markað árið 2016 er Skoda Kodiaq enn mjög vinsæll sportjeppi í fjölskyldustærð. Ný gerð er hins vegar á leiðinni með haustinu og Soda hefur gefið út kynningarmynd til viðbótar við njósnamyndir sem þegar hafa birst á bílavefsíðum. Búist er við fullri birtingu eftir nokkra mánuði.
Kodiaq, sem er sjö sæta sportjeppi, hefur notið vinsælda fyrir hagkvæmni og einnig öflugt úrval af aflrásum. Nýr fjölskyldumiðaður Kodiaq mun kynna ferskan stíl, skilvirkari aflrásir og fullt af nýrri tækni, og hann mun halda áfram að keppa við lykilkeppinauta í flokki frá Hyundai og Kia, sem og keppinauta innanhúss frá Volkswagen Group, eins og VW Tiguan Allspace og SEAT Taracco.
Opinber kynningarmynd Skoda á Kodiaq sýnir hliðarsnið af nýja bílnum. Það má sjá LED aðalljós að framan og nýja hönnun afturljósa sem hverfur inn í yfirbygginguna en heildarhlutföllin líta út eins og í bílnum sem er á útleið.
(Auto Express)
(Byggt á greinum á vefum Autocar og Autoexpress)
