Græni karlinn er sums staðar kona
Gangbrautarljós eru margs konar en það einkennir þau flest að grænt merkir að í lagi sé að ganga yfir og rautt merkir að ekki skuli ganga yfir. Það sem getur verið breytilegt er græni eða rauði „karlinn“. Í Þýskalandi t.d. getur þetta verið karl, kona, álfur, jólasveinn eða eitthvað allt annað.
Evrópusambandið er að sjálfsögðu með staðlaðan karl. Hann heitir Euroman. Hvort Euroman er í fötum eða ekki skiptir ekki máli en hann er frekar leiðinlegur að sjá og er eins og spýtukarl.
„Græni“ karlinn er sums staðar hvítur á grænum grunni o.s.frv.
Í Bandaríkjunum, Kanada, Japan og víðar er ekki endilega karl heldur „WALK“ eða „DON´T WALK“ og eru sekúndurnar taldar niður.
Hér væri hægt að fara betur ofan í saumana á hinum ýmsu sálfræðirannsóknum sem eru að baki gangbrautarljósum um víða veröld en það verður að bíða betri tíma.
Vindum okkur í grænu konuna, rauðu konuna og gangbrautarverurnar sem eru víða um Evrópu.
.jpeg)
1996 komu þær fyrstu, gangbrautarkonurnar þýsku, eða Ampelfrau
Svo var það árið 2012 sem þýsku stjórnmálakonunni Christine Hochmuth var nóg boðið og vildi ekki sjá þessar gangbrautarkonur með tíkarspena og í bjánalegu pilsi. Nei, þetta þótti henni hreint út sagt gamaldags og lummulegt.
Ekki nóg með það heldur fannst henni kynjamisrétti felast í öllu heila dótinu eins og má lesa um í þessari grein í þýska blaðinu Der Tagesspiegel. Eins gott að hún komist ekki með krumlurnar í hrúðurkarlana, sú þýska. Það gæti orðið vesen að finna hrúðurkonur en jæja, áfram með umferðina!
Hristi þessi umræða öll eitthvað upp í fólki og hafa gangbrautarljósakonurnar komið í ýmsum útgáfum.
.jpeg)
Hinsegin og alls konar
Í kringum Gay Pride hafa gangbrautarljósakarlar og konur komið í tjah, ekki öllum regnbogans litum, heldur ýmsum útgáfum t.d. í Köln, Hannover, Vínarborg og svo mætti lengi telja.
Elvis Priesley hefur orðið að gangbrautarljósakarli (sjá forsíðumynd) og sömu sögu er að segja af þeim Marx og Lúther.
Lúther var að vísu fremur mislukkaður því hann er illþekkjanlegur í sínum kufli eða hvað serkurinn sá kann að nefnast.
En svona er þetta nú!
Þessu tengt:
Þegar umferðarljósin komu til Íslands
Stórfurðulegar umferðarreglur?
Ruglandi og skondin umferðarskilti
Sjaldséð umferðarmerki: Hvað er nú þetta?
Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.
