- ?Edison Motors, sex ára sprotafyrirtæki, er líklegur kaupandi SsangYong í Suður-Kóreu
- ?Sprotafyrirtækið Edison Motors er sex ára gamalt og framleiðir rafbíla
Bílaframleiðandinn SsangYong er vel þekktur hér á landi en Bílabúð Benna hefur selt bíla þeirra frá júní árið 1996.
Allt frá stofnun árið 1954 hefur SsangYong verið leiðandi bílaframleiðandi í Suður-Kóreu. „SsangYong hefur notið virðingar og trausts fyrir tæknilegar lausnir og framúrskarandi hönnun, auk þess að standa uppúr fyrir gæði á frábæru verði,“ segir á vef Bílabúðar Benna, en nú er sagt að SsangYong sé að byrja á nýjan leik, undir stjórn sex ára gamals sprotafyrirtækis sem framleiðir rafbíla.
Suður-kóreski bílaframleiðandinn fór fram á gjaldþrot í desember 2020 og er í skiptameðferð.
Samkvæmt Nikkei Asia á Edison Motors besta á tilboðið í SsangYong. Samningurinn er sagður vera um 260 milljóna dollara virði, samkvæmt heimildum útgáfunnar. Gert er ráð fyrir að bifreiðaframleiðandinn og tilboðsgjafinn muni ganga frá og gera samning í lok nóvember.
SsangYong Motor nefndi hóp undir forystu suður-kóreska rafrútu- og vörubílaframleiðandans Edison Motors sem nýjan eiganda sinn.
SsangYong var sett í greiðsluaðlögun í apríl eftir að hafa óskaði eftir því í desember árið 2020. Fyrirtækið lagði í vikunni fram umsókn til gjaldþrotadómstólsins í Seoul en gaf út að það vonist til að kaup Edison Motors nái fram að ganga.
Verður SsangYong rafbílaframleiðandi?
„Edison Motors stefnir að því að kúvenda framleiðslu SsangYong eftir þrjú til fimm ár og breyta fyrirtækinu í rafbílaframleiðanda,“ sagði Kang Young-kwon, stjórnarformaður Edison Motors, síðastliðinn föstudag á blaðamannafundi.
SsangYong mun geta framleitt allt að 300.000 farartæki á ári á þremur samsetningarlínum í verksmiðju sinni í Pyeongtaek, sagði Kang.
SsangYong hefur verið í meirihlutaeigu indverska fyrirtækisins Mahindra & Mahindri síðan 2011. Mahindra hefur leitað að kaupanda að þessum 75 prósenta hlut sem það eignaðist í SsangYong árið 2010. Kaupin á þeim hlut fyrir rúmum áratug síðan björguðu bílframleiðandanum frá gjaldþroti í það skiptið en þrátt fyrir góðan ásetning hefur Mahindra átt í erfiðleikum með að snúa rekstri SsangYong við.
SsangYong hyggst nú skrifa undir viljayfirlýsingu við Edison um að ganga frá ýmsum atriðum, þar á meðal kaupverði.
SsangYong gæti kostað hópinn, sem innifelur m.a. suður-kóreskan fjárfestingarsjóð, allt að einni trilljón won (849 milljónir dollara), að því er staðbundnir fjölmiðlar greindu frá.
Dómstólar eru síðasta skrefið fyrir gjaldþrot samkvæmt réttarkerfi Suður-Kóreu og dómstóllinn ákveður hvað verður um fyrirtækið.
(byggt á fréttum á Automotive News Europe og fleiri bílavefsíðum)
Umræður um þessa grein