• Land Rover Defender gæti orðið enn stærri og glæsilegri
  • Sögusagnir eru um nýja gerð sem byggð er á Range Rover í fullri stærð

Sagan segir að Land Rover velti því fyrir sér hvort færa eigi merki Defender enn fjær upprunanum með því að setja nafnið á stærri óg íburðarmeiri jeppa en sá Defender sem við Þekkjum í dag. Verði hann samþykktur gæti Defender í fullri stærð deilt sínum grunni og nokkrum vélrænum íhlutum með næsta Range Rover sem er væntanlegur árið 2022.

Lengri en núverandi Defender 130

Án þess að vitna í heimildir greindi breska tímaritið Autocar frá því að þessi nýja gerð, sem enn hefur ekki fengið nafn, muni verða lengri en átta sæta Defender 130 sem sást í prófunum fyrr á árinu 2021. Þó að það sé eðlilegt að gera ráð fyrir að „fjölskyldusvipur“ sjáist á Defender línunni, líkt og nokkrar útlitsvísbendingar tengja Range Rover Evoque við Range Rover í fullri stærð, munu líkindin ekki verða mikil því samkvæmt sögusögnum verður sá byggður á útgáfu af MLA-grunninum. Fimmta kynslóð Range Rover mun vígja MLA-grunninn þegar sá bíll fer í sölu.

2022 Land Rover Defender Trophy Edition Mynd: Land Rover

Notkun MLA-grunnsins mun gera hönnuðum kleift að hafa Defender stærri og innleiða mikla rafvæðingu á mörkuðum sem krefjast þess. MLA-grunnurinn var hannaður með mildan blending í huga, tengitvinngerð og rafbíl sem aðeins notar rafhlöður. Nokkrar breytingar á farþegarýminu munu aðgreina Defender og Range Rover; Autocar bendir einkum á „lista úr málmi, náttúrulega veðruð efni og nýjar viðaráferðir“ sem möguleika.

Nýr Freelander væntanlega úr sögunni

Í einhverjum eldri fréttum var því haldið fram að innan Defender fjölskyldunnar yrði einnig minni gerð, „krossover“, sem væri meira ætlaður fyrir akstur á vegum, sem yrði langt undir núverandi gerð hvað varðar verð og búnað. Það hefði mátt líta á þessa gerð sem „endurfæddan“ Freelander/LR2. Sama sagan fullyrðir að þessi gerð hafi verið sett í „bið“.

Hins vegar er talið að „pallbílsútgáfa“ sé ennþá í bígerð.

Kæmi ekki fyrr en 2025

Samkvæmt tímaritinu Autocar myndi Defender (byggður á Range Rover) væntanlega ekki koma í sýningarsali fyrr en snemma árs 2025. Land Rover hefur ekki tjáð sig um þessar sögusagnir, og hefur ekki gefið upp hvernig, eða hvort, Land Rover muni stækka Defender-fjölskylduna á næstunni.

(Byggt á fréttum á vef Autoblog og Autocar)

Myndband sem fjallar um 2022 árgerð Land Rover Defender fær að fljóta hér með:

Sett inn
18/9/2021
í flokknum:
Bílaframleiðsla

Fleiri fréttir úr flokknum:

Bílaframleiðsla

skoð allt

Skráðu þig á póstlistann okkar
Fáðu nýjustu greinarnar í pósthólfið þitt

Thank you! Your submission has been received!
Oops! Something went wrong while submitting the form.