Heimildarmyndin um Michael Schumacher hefur heldur betur fengið hörðustu jálka til að fella tár og hjólreiðakappa til að vilja leggja reiðhjólinu og setjast upp í formúlubíl.

Netflix framleiddi myndina sem hefur verið aðgengileg síðan miðvikudaginn 15. september og láta viðbrögðin ekki á sér standa. Nú, þegar þetta er skrifað hefur myndin verið í sýningu í rúma þrjá sólarhringa og 5500 manns gefið henni einkunn á IMDb. Sem stendur er einkunninn 7.8 af 10.

Chris Harris, einn af stjórnendum þáttarins Top Gear, lendi í vandræðum með að spila myndina í fyrrakvöld og greindi frá því á Twitter. Taldi hann vandræðin stafa af því hve margir væru að horfa á myndina samtímis. Í gærmorgun hafði hann þó horft á myndina og mælir með henni. Viðbrögð fylgenda létu ekki á sér standa eins og sjá má:

Chris Harris (til vinstri) eins og hann kom okkur fyrir sjónir eftir akstur torfærubíls um Mýrina í Hellutorfærunni 2019. Mynd/Þórður Bragason

Rússíbanareið eftir öllum tilfinningaskalanum

Sem fyrr segir hafa fjölmargir fellt tár yfir myndinni, einkum síðustu 20 mínútum hennar. Corinna Schumacher, eiginkona Michaels Schumacher, opnar sig og greinir frá hvernig líf fjölskyldunnar breyttist á augabragði í skíðaferð fjölskyldunnar fyrir átta árum síðar. Þegar eiginmaðurinn, sjöfaldur heimsmeistari í Formúlu eitt, fékk alvarlegt höfuðhögg breyttist nefnilega allt og hefur fjölskyldan lítið sem ekkert tjáð sig um það fyrr en nú.

Ekki er ætlunin að ljóstra of miklu upp um myndina en þó má greina frá því að orð Micks Schumachers, sonar þeirra Corinnu og Michaels, virðast snerta flesta áhorfendur, ef eitthvað er að marka mörgþúsund ummæli fólks á Twitter.

Hinn tuttugu og tveggja ára gamli Mick keppir í Formúlu eitt og harmar að geta ekki rætt við föður sinn um akstursíþróttir. „I would give up everything just for that,“ sagði hann.

Nokkur tíst:

Drive To Survive á sterum

Það er nú alls ekki svo að þessi tæplega tveggja tíma mynd sé allsherjar ávísun á táraflóð! Alls ekki! Þeir sem forðast tilfinningaþrungnar stundir geta hreinlega sleppt síðustu 20 mínútum myndarinnar.

Fyrst og fremst er dregin upp mynd af mögnuðum ökumanni, keppanda, föður og einstökum karakter: Michael Schumacher.

Manni sem atti fyrst kappi við Mika Häkkinen árið 1983. Í go-kart:

Jú, og sömuleiðis er dregin upp mynd af miklum selskapsmanni sem átti það til að syngja, nærstöddum til skelfingar, og hafði yndi af því að hrinda fullklæddum partígestum ofan í sundlaugina í garðinum sínum… Já, nú er best að segja ekki mikið fleira en leyfum þó einni skemmtiilegri færslu að fylgja þar sem vísað er í þættina frábæru um Formúlu eitt, Drive To Survive:

Og svo eitt myndband í blálokin:

Sett inn
18/9/2021
í flokknum:
Bílaheimurinn

Fleiri fréttir úr flokknum:

Bílaheimurinn

skoð allt

Skráðu þig á póstlistann okkar
Fáðu nýjustu greinarnar í pósthólfið þitt

Thank you! Your submission has been received!
Oops! Something went wrong while submitting the form.