Ford Bronco XLT 1990 var vinsæl jeppagerð framleidd af Ford Motor Company. Bíllinn var hluti af fimmtu kynslóð Ford Bronco jeppans, sem voru framleiddir frá 1980 til 1996.
Klossaður eða grófur?
Bronco XLT 1990 var með kassalaga og frekar grófa hönnun sem var dæmigerð fyrir jeppa frá þeim tíma. Hann var með stórri, ferhyrndri yfirbyggingu með góða hæð undir lægst punkt og því hentugur til aksturs utan vega.
Staðalvélin fyrir Bronco XLT 1990 var 5,0 lítra V8 vél, einnig þekkt sem Ford 302 vélin.
Þessi vél framleiddi um 185 hestöfl og 270 lb-ft tog. Einnig var hægt að velja um 5,8 lítra V8 vél.
Broncoinn kom búinn fjögurra gíra sjálfskiptingu sem staðalbúnaði, sem gaf silkimjúka skiptingu og var auðveld í notkun bæði í hefðbundnum akstri og utanvega.
Fyrst og fremst jeppi
Bronco XLT var hannaður sem torfærutæki. Hann var með öflugu fjórhjóladrifskerfi, sem gerði ökumanni kleift að skipta á milli tvíhjóladrifs og fjórhjóladrifs.
Bronco XLT var með rúmgóða innréttingu með sætum fyrir allt að fimm farþega. Hann var með þægilegum sætum og vel hönnuðu mælaborði með auðlesnum mælum og stjórntækjum. Valfrjálsir eiginleikar voru rafmagnsgluggar, rafmagnshurðalásar, loftkæling og úrvals hljóðkerfi.
Taktu af honum toppinn
Staðlaðir öryggiseiginleikar á Bronco XLT 1990 voru til dæmis loftpúði ökumannsmegin, ABS hemlar á afturhjólum og þriggja punkta öryggisbelti fyrir alla farþega.
Einn athyglisverður eiginleiki Bronco XLT var færanlegur trefjaglertoppur sem gerði hann ekki ólíkan nýja Bronconum sem kynntur var nýverið.
Bronco XLT 1990 var með um þriggja tonna dráttargetu en hægt var að kaupa bílinn með mismunandi búnaði og valfrjálsum dráttarpakka.
Þetta eintak er til sölu
Bíllinn á myndunum er til sölu hjá RK Motors en hann er á þrælfínu verði miðað við aldur og fyrri störf. Verðið er rétt um 40 þúsund dollarar sem gera um 5.5 milljónir íslenskra króna.
- Vel viðhaldið Bronco XLT, ekinn aðeins 48,735 mílur
- 5,8 lítra Windsor V8 með stafrænni eldsneytisinnspýtingu
- AOD 4-gíra sjálfskipting
- Ford 8,8 tommu afturöxull með mismunadrifi
- Borg-Warner drif sem læsist handvirkt
- Loftkæling úr verksmiðju
- Vökvastýri
- Vökva, diska- og skálabremsur að aftan
- Dark Charcoal innrétting með stólum
- Hraðastillir
- Rafmagnsgluggar, rafmagnslæsingar og rafdrifinn hleragluggi
- Kemur með kassettutæki frá verksmiðju
- Dökkgrá málning með valkvæðri miðlungs silfur-sanseringu
- Svartur trefjaglertoppur og rauðar og gráar límrandir
- 15 tommu felgur með 31×10.50R15 Goodyear Wrangler dekkjum
Sölulýsing er ansi vel krydduð
Þeir eru snillingar í lýsingum á bílum sínum í henni Ameríku.
Ótrúlegur bíll! Vel með farinn algjörlega orginal Ford Bronco. Þessi er æðislegur og tilbúinn að takast á við hvað sem er.
Svo er bílnum lýst fjálglega samvkæmt ofangreindum upplýsingum.
Bandarískir jeppar eru smíðaðir til að þola og geta og þessi Ford veldur vissulega ekki vonbrigðum. Ef þú ert tilbúinn hrista aðeins úr veskinu skaltu ekki missa af tækifærinu að eignast þennan vel með farna, fjórðu kynslóðar Bronco!
Hér má sjá auglýsingu bílsins hjá RK Motors.
Umræður um þessa grein