Þetta verða breytingarnar á bZ4X samkvæmt Toyota í Noregi
Toyota byrjar strax að leiðrétta ýmislegt varðandi bZ4X. Uppfærsla kemur frá maí
Miklar umræðu hafa skapast á rafbílaspjallsíðum síðustu daga eftir að í ljós kom að rafbíllinn bZ4X kom ekki vel út úr rafbílaprófunum á Norðurlöndunum í samanburði við keppinautana.
Mörg „stór orð“ hafa fallið á þessum spjallsvæðum en ljóst varð strax að Toyoyta myndi grípa til varna.
Samkvæmt frétt á vef Motor í Noregi kemur fram að nýráðinn yfirmaður Toyota í Noregi, Piotr Pawlak, þakkar norskum blöðum fyrir greinarnar sem hafa beinst að slökum drægnitölum og hleðslueiginleikum fyrsta alvarlega rafbílaframtaks Toyota.
„Þess vegna getum við talað um endurbætur á vörunni nú þegar“, segir maðurinn sem er nú kominn aftur til Toyota, eftir nokkur ár sem yfirmaður Ford í heimalandi sínu Póllandi.
Mikilvægast fyrir Toyota
Og efst á forgangslistanum hjá stærsta bílaframleiðanda heims er hið nánast fáránlega atriði „að endurræsa bZ4X“ segir Motor.
Svona innan við ári eftir raunverulega frumsýningu.
Það segir mest um hversu illa þessi bíll hefur komið inn á markaðnum – og hversu mikilvæg gerðin er Toyota.
Aðgerðirnar má draga saman í nokkrum liðum:
- Um 10–15 kílómetra drægni verður hægt að ná frá biðminni á rafhlöðunni. Þetta þýðir að það tekur bílinn lengri tíma að tilkynna að rafhlaðan sé tóm. Með öðrum orðum, heildarsviðið breytist ekki.
- Fjöldi á hraðhleðslum (úr 10–80 prósentum) á sólarhring er fjölgað úr tveimur í 3,8. Takmörkin eru sett til að vernda rafhlöðuna og viðhalda hinni einstöku milljón kílómetra ábyrgð. Sérstaklega hafa atvinnubílstjórar kallað eftir þessu. Ef þú hleður frá 10-80 oftar en þetta minnka hleðsluáhrifin.
- Hleðsluhraðinn er aukinn á bilinu úr 80 í 100 prósent. Í dag tekur það um 80 mínútur. Það mun þá taka um það bil eina klukkustund.
- Bílarnir verða með prósentuskjá á rafhlöðustigi í mælaborðinu, bæði í akstri og í hleðslu.
- Matið – „giskamælirinn“ – ætti að ná meiri nákvæmni miðað við notkun loftkælingar.
- Eyðslan birtist nú án þess að taka tillit til hleðslutaps. Miðað við eyðslutölur úr nýlegum vetrarprófunum NAF og Motor á rafbílum telur Toyota að bZ4X – með uppfærðum eyðsluskjá – myndi sýna eyðslu upp á 17,2 kWh/100 km, eða svipað og bíllinn sem stóð sig best, Tesla Model Y.
Toyota hefur framkvæmt fjölda innri prófana með bZ4X í samanburði við þær gerðir sem þeir skilgreina sem helstu keppinauta: Volkswagen ID.4, Hyundai Ioniq5, Kia EV6, Tesla Model Y, Ford Mustang Mach-E og Nissan Ariya.
„Þetta hefur skapað gagnagrunn sem hefur sagt okkur hvað þarf að gera“, segir upplýsingastjóri hjá Toyota í Noregi, Espen Olsen.
Endurbæturnar munu koma til bæði nýrra og núverandi gerða. Bílar sem þegar eru komnir á göturnar verða kallaðir inn frá og með maímánuði.
Núna er bara að sjá hvað viðbrögð verða frá Toyota á Íslandi í þessu máli
(grein á vef MOTOR í Noregi)
