Sýna teikningar af væntanlegum sjö sæta Skoda Vision 7S
Nýjar hönnunarteikningar sýna rafmagnsjeppa í fullri stærð á undan kynningu á hugmyndabílnum 30. ágúst
Stór, sjö sæta rafmagnsjeppi er í burðarliðnum hjá Skoda og þessar nýútgefnu teikningar gefa hugmynd um útlitið á þessum væntanlega keppinaut Kia EV9. Áætlað er að frumsýna bílinn síðar í þessum mánuði sem hugmyndabíl sem kallaður er „Vision 7S“ og mun nýja gerðin vera leiðandi í endurgerðri hönnun fyrirtækisins inn í raföldina.
Miðpunktur í nýja útlitinu er „T-bar“ framljósahönnun sem fellur inn í grennra grill en á núverandi Skoda-bílum, sem situr fyrir ofan sett af lóðréttum útskurði í framstuðaranum.
Miðopið er í andstæðum lit, sem gefur til kynna mögulegan valmöguleika til að sérsníða endanlega bílinn.
Teikningar hafa þegar verið birtar til að forskoða innréttingu Vision 7S og búast má við að sjö sæta bíllinn komi á markað með risastórum, frístandandi uppréttum upplýsinga- og afþreyingarskjá. Stýrið fær einnig nýtt útlit með fjórum pílárum og með það sem lítur út eins og snertinæm stjórntæki.
Vegna þess að flestum aðgerðum bílsins verður stjórnað með snertiskjánum í miðjunni og stafrænu mælaborðsskjánum, verða hefðbundnir hnappar af skornum skammti sem gefur farþegarýminu mínimalíska hönnun, með þema sem leggur áherslu á breidd.
Búast má við að Vision 7S nýti rafbílaflrásina sem best með „setustofulíku“ innanrými með flötu gólfi og fljótandi miðstokki sem gefur bílnum léttara og bjartara yfirbragð en hefðbundinn valkostur.
Aðrir þættir sem vekja athygli eru meðal annars það sem virðist vera ljósastika í miðjum mælaborðinu – hugsanlega tilvísun í kristal frá Bæheimi sem Skoda er að nýta sér – og til marks um vaxandi sjálfstraust vörumerkisins, Skoda textamerki utan á C-bitanum.
Skoda segir að Vision 7S muni breyta uppsetningu mælaborðsins þegar ökumaður vill slaka á – til dæmis við endurhleðslu. Stýrið og mælaborðshlutinn renna fram en stóri miðlægi snertiskjárinn færist úr því að vera uppréttur í langsnið til að gera hann betur til þess fallinn að horfa á skemmtun.
Þetta er staðfest með „Drive/Relax“ rofanum í miðborðinu, sem sýnir hvernig skjárinn snýst, og kynningarmyndinni, sem sýnir skjáinn í langsniði með flýtileiðum að miðlum eins og YouTube og Netflix.
Skoda segir einnig að bíllinn verði með bakpokum sem eru samþættir í sætisbökum í annarri sætaröð og símafestingar í baki framsætanna til að gera farþegum í miðröðinni kleift að njóta skemmtunar á ferðinni.
