Rafmagns Ford E-Transit Custom sendibíll kynntur fyrir Evrópumarkað
Drægni hans er um 380 km
Ford hefur afhjúpað rafknúinn sendibíl sem heitir E-Transit Custom og var þróaður í stað Transit Custom í Evrópu. Hvað stærðina varðar er þessi nýi sendibíll á milli Transit Connect og Transit í fullri stærð.
Þannig að sem slíkur ætti Custom að gegna lykilhlutverki í að hjálpa Ford að ná rafvæðingarmarkmiðum sínum.
Hönnuðir létu prófíl Transit Custom að mestu í friði – það eru ekki milljón leiðir til að teikna sendibíl – en þeir gáfu framendanum skarpari hönnun sem einkennist af stóru átthyrndu grilli ásamt hyrndum, hallandi framljósum sem tengd eru með ljósastiku. Að aftan eru lóðrétt ljós og stórt „E TRANSIT“ merki. Myndir af innréttingunni hafa ekki verið birtar ennþá.
Enn er ekki mikið vitað um nánari atriði. Þegar þetta er skrifað er eina tölfræðin sem hefur verið tilkynnt að hámarksakstursdrægni E-Transit Custom ætti að vera um 380 km. samkvæmt evrópsku prófunarlotunni.
Ford bætti við að sendibíllinn muni hafa „fulla dráttargetu,“ þó ekki sé ljóst hvað átt er við með því, og að hann muni vera samhæfður við hraðhleðslu.
Ford mun gefa út frekari upplýsingar um E-Transit Custom í september 2022 og áætlað er að framleiðsla hefjist í Kocaeli, Tyrklandi, fyrir árslok 2023.
