Rafmagnaður Benz-jeppi mun koma!
Stjóri Mercedes segir að rafmagns G-Class sé á réttri leið fyrir árið 2024
EQG verður brátt að veruleika
Óskir Arnold Schwarzenegger munu rætast og það áður en langt um líður. Formaður Mercedes, Ola Källenius, sagði í hringborðsumræðum fyrir skemmstu að rafknúinn G-Class sé væntanlegur á markað um mitt árið 2024 eða seint það ár. Og af lýsingu Källenius hljómar það eins og það sé stórgaman að aka svona bíl.
Källenius sagðist hafa farið í bíltúr í frumgerð seint á síðasta hausti og það hafi líklega verið það skemmtilegasta sem hann gerði það árið.
Hann prófaði bílinn í prófunaraðstöðu Mercedes í Graz, Austurríki, þar sem G-Class bílar með brunavél eru jafnan reyndir við ýmsar aðstæður; torfærur, vaðdýpi o.s.frv. Miðað við lýsingu Källenius er hann sannfærður: „Héðan í frá er það rafmagns.”
Þetta er mikil breyting frá því fyrir nokkrum árum, þegar örlög G-Class lágu í loftinu.
„Áður fyrr voru umræður um hvort við ættum að hætta með þennan bíl. Eins og ég sé hlutina núna myndi ég segja að síðasti Mercedes-bíllinn sem verður smíðaður verði G-Class,“ sagði Källenius í ræðu árið 2019.
Forsendan liggur í því að hætta með brunavél í GöClass enda er stefnan að allir bílar Mercedes verði alrafmagnaðir árið 2030. Við vitum ekki ennþá hvort G mun fylgja nafnafyrikomulagi annarra rafbíla Mercedes, sem myndi líklega gera hann að EQG.
Þegar Källenius var fyrst spurður um tímasetningu, sagði hann fyrst að rafknúni jeppinn væri „bráðum að koma í kvikmyndahús nálægt þér“.
Þetta gæti hafa einfaldlega verið orðatiltæki, en við yrðum ekki hissa ef rafmagnsbíllinn G Wagen kæmi fyrst fram í einhverri hasar- eða njósnamynd. Schwarzenegger myndi samþykkja það.
(frétt á vef Autoblog)
