Nýr Aston Martin DBS 770 Ultimate

Nýr Aston Martin DBS 770 Ultimate

759 hestaflal GT í takmörkuðum fjölda kynntur

Til að marka lok framleiðslu á DBS-bílnum hefur 770 Ultimate komið með látum inn sem öflugasti framleiðslubíll Aston frá upphafi

Á þessu ári fagna menn 110 ára afmæli Aston Martin sem bílaframleiðanda og breska fyrirtækið ætlar að ganga inn í nýtt tímabil háþróaðra rafknúinna ofurbíla og GT-bíla um miðjan áratuginn. Áður mun Aston hins vegar ljúka framleiðslu á öflugu flaggskipi sínu DBS Superleggera – en það mun ekki gerast með neinum vettlingatökum.

Hér má sjá DBS 770 Ultimate, síðustu útgáfu með V12-vélinni og öflugasta Aston Martin framleiðslubíl sögunnar.

499 bílar

Sérútgáfan er takmörkuð við aðeins 300 coupe og 199 blæjubíla, „Volante“ gerðir á heimsvísu og allir 499 bílarnir hafa þegar verið seldir.

Til að búa til 770 Ultimate hefur Aston fengið auka kraft úr 5,2 lítra V12 vél bílsins með tvöfaldri forþjöppu svo vélin skilar nú 759 hestöflum. Þetta er gert með auknum örvunarþrýstingi og breyttum loft- og kveikjuleiðum, segir fyrirtækið. Átta gíra ZF sjálfskiptur gírkassi DBS var þegar kominn á togmörk með 900 Nm afköst staðalbílsins, þannig að gírkassinn helst óbreyttur.

Þrátt fyrir það hefur skiptingin verið endurkvörðuð fyrir hraðari skiptingar og afl er fært til afturhjólanna eingöngu í gegnum vélrænt mismunadrif með tregðutengingu. 770 Ultimate nær sama 340 km hámarkshraða og venjulegi bíllinn og notar sömu kolefnis keramik bremsuuppsetningu, en verkfræðingar Aston hafa fínstillt undirvagn hans til að framleiða það sem þeir fullyrða að sé besti DBS til þessa.

Aðlögunardemparar 770 Ultimate eru á nýjum 21 tommu Valkyrie-innblásnum felgum með Pirelli P Zero dekkjum, og hafa verið endurkvarðaðir fyrir þéttari viðbrögð án þess að hafa áhrif á akstursgæði, en styrktur þverbiti að framan og aftan bæta snúningsstífleika um þrjú prósent.

Til að fá betri viðbragð í stýrinu hefur hliðarstífleiki aukist um 25 prósent í framendanum og ný stýrissúla sem er með betri festingum miðar að því að veita ótruflaða endurgjöf í hendur ökumanns.

Til að aðgreina þessa lokagerð er 770 Ultimate með áberandi harða hönnun, þar sem nýjungar í útliti er m.a. ný hönnun á framenda og hliðarinntök, ásamt koltrefjaáherslum og rimlum. Fleiri eiginleikar úr koltrefjum í formi framlenginga á sílsum, en endurskoðaður spoiler að aftan viðheldur loftjafnvægi bílsins að framan og aftan. Að lokum dregur djúp skora í vélarhlífinni lofti í gegnum vatnskassana til að kæla V12-vélina.

Til að falla saman við sportlegra ytra útlitið hefur farþegarými 770 Ultimate einnig verið lyft upp með körfusætum úr koltrefjum sem eru með leðri og alcantara, sem og koltrefjastýri og skiptaspaðar. Andstæður leðuráherslur, en laser-skorið DBS 770 Ultimate lógó á armpúðanum og sérsniðnar sílsaplötur marka þessa síðustu gerð DBS.

Eins og alltaf er frekari aðlögun í boði í gegnum Q-deild Aston Martin, sem býður upp á einstaka grafíkpakka, lit á felgum, litaðar koltrefjaáherslur og leðurklæðningu.

Kemur á götuna seinna á árinu ásamt annarri hátíðagerð

Í tæka tíð fyrir afmælisfagnað vörumerkisins mun fyrsta DBS 770 Ultimate útgáfan koma á götuna seinna á árinu 2023 ásamt annarri hátíðargerð sem ekki hefur verið nefnd enn þá til sögunnar.

(frétt á vef Auto Express – myndir Aston Martin)