Nýja litla Teslan verður kynnt „síðar“
Tesla er með áætlanir um: góðmálmalausar rafhlöður, ný ofurhleðslutæki og „næstu kynslóðar gerð“
Ekki varð úr því sem búsit var við að Tesla myndi kynn nýjan „smábíl“ á degi fjárfesta sem fyrirtækið hélt í gær.
Á Tesla fjárfestadeginum 2023 ræddi vörumerkið nýja framleiðsluferla og rafhlöðutækni, en það var lítið um fréttir af nýjum bílum
Tesla hefur útlistað nokkra lykilþætti þess hvernig það ætlar að flýta fyrir sókn sinni í átt að sjálfbærum, hreinum akstri – en fyrirtækið hefur hætt við að gefa út frekari upplýsingar um nýrri og ódýrari bíl.
Bandaríska vörumerkið hélt umfangsmikla kynningu fyrir fjárfesta í aðstöðu sinni í Texas.
Stjórnendur lofuðu aftur að hinn umdeildi Cybertruck myndi fara í framleiðslu á þessu ári – og sögðu að tækni sem væri notuð í framleiðslu hans og smíði yrði notuð í „næstu kynslóðar gerðinni“.
Þessar aðferðir, sem eru öðru vísi en hinir reyndu og prófuðu ferlar bílaframleiðslu í dag og nota frekar einingakerfi sem er samhliða kerfi, sýna allt að 50 prósenta kostnaðarsparnað, segir Tesla, ásamt 40 prósenta lækkun á fótspori verksmiðjunnar.
Nýi bíllinn kynntur „síðar“
Aðalhönnuður Tesla, Franz von Holzhausen, sagði fjárfestum á viðburðinum að þótt hann vildi sýna þeim næstu kynslóðar farartæki, þá muni það koma „síðar“.
Síðar í sömu kynningu sagði Colin Campbell, yfirmaður aflrásar fyrirtækisins, hins vegar að Tesla væri að vinna að því að hafa alls enga góðmálma í rafhlöðum næstu kynslóðar bíla.
Hann sagði einnig að allir bílar Tesla frá Cybertruck og áfram yrðu byggðar á 48 volta hönnun rafeindatækni og spáði því að næsti sérstakur drifbúnaðar, með 75 prósent minna kísilkarbíði, myndi hafa „all-inn kostnað um 1.000 dollara“ (um 142,000 ISK).
„Við teljum að það sé enginn annar í bílaiðnaðinum sem er nálægt því stigi,“ sagði hann.
Tesla stefnir enn að því að geta framleitt bílinn fyrir helmingi hærri kostnað en núverandi Model 3.
Rebecca Tinucci, yfirmaður hleðsluinnviða hjá Tesla, leiddi í ljós að meira en helmingur allra ofurhleðslustöðva fyrirtækisins um alla Evrópu er nú opinn fyrir gerðir utan Tesla.
Hún sagði einnig að verið væri að koma nýrri kynslóð af hleðslutæki á markað, ásamt lengri snúru sem er hönnuð til að gera það auðveldara að tengja ekki Tesla við kerfið, og sýndi Supercharger hleðslustað sem er við veitingahús.
Tvö hjúpuð farartæki birtust í glærum sem sýndar voru á viðburðinum; annar leit út eins og tegund af „kassalaga“ fjölnotabíl (MPV), en hinn virtist vera með prófíl eins og fólksbíll sem gæti jafnvel verið þróun af núverandi Model S.
(frétt á vef Auto Express)
