Með „Final Edition“ hættir Mitsubishi Pajero líka á heimamarkaði í Japan
Mitsubishi hefur tilkynnt um endalok Pajero á heimamarkaði í Japan. Aðeins verða framleidd 700 eintök af þessari „lokagerð“ bílsins.
Fyrir þrettán árum síðan hætti Mitsubishi með Montero-jeppann í Bandaríkjunum, en svo var jeppinn kallaður á mörgum markaðssvæðum og hann gekk undir heitinu Shogun á Bretlandi, en í heimalandinu Japan var hann Pajero.
Í spænskumælandi löndum gekk ekki að kalla bílinn Pajero, því það þótti of „dónalegt“ (þýðir á spænsku „sá sem fróar sér“) og því var breytt um og Montero notað í staðinn og undir því heiti var bíllinn líka markaðssettur í Bandaríjunum, en það þýðir sá sem veiðir á fjöllum. Ekki er vitað af hverju valið var að nota Shogun á markaði í Englandi, frekar en Pajero.
Það er ekki mikið sem skilur Pajero Final Edition frá venjulega bílnum. Hann er með raðnúmer á plötu að innan og sérstökum límmiða utan til að minnast upphaflegar tilkomu jeppans árið 1982. Eitt til viðbótar er að kaupendur þessarar „lokaútgáfu“ geta keypt sérstaka hátíðarútgáfu af Citizen-úri með Final Edition vörumerki sem er aðeins í boði fyrir þessa kaupendur Pajero. Fyrir smá aukagjald geta viðskiptavinir valið um ytri pakka sem bætir við vindkljúf að aftan, krómaða hlíf yfir varadekkið og aurhlífar með álplötum með Pajero-merki. Bíllinn er með annaðhvort svarta eða ljósa leðurinnréttingu, sóllúgu, þakboga, veðurpakka fyrir kalda veðráttu og undir vélarhlífinni er 3,2 lítra dísel I4 ásamt valkvæðu fjórhjóladrifi og fimm hraða sjálfskiptingu.
En þessi síðasta gerð Pajero er ekki mikið frábrugðið þeim jeppa sem við þekku hér á landi. Ytra byrðið hefur verið létt endurnýjað í gegnum árin með mismunandi ljósum og stuðurum og breytingum á því hvernig varadekkinu er komið fyrir. En hann lítur annars fyrir að vera óbreyttur. Að innan er yfirbragðið sportlegra.
Fyrir áhugamenn um Pajero er þetta nokkuð leiðinlegt, en fagnaðarerindið er að Mitsubishi muni halda áfram að bjóða jeppann á öðrum mörkuðum þar sem eldsneyti er ekki eins dýrt og vegir geta enn verið verulega leiðinlegir., en ekki er vitað á þessari stundu um hvaða markaði er verið að tala.
