Mazda afhjúpar rafbílinn Mazda MX-30
Mazda Motor Corporation hefur frumsýnt fyrstu fjöldaframleiðslu rafmagnsbifreið sína, kölluð Mazda MX-30, á bílasýningunni í Tókýó 2019.
Bílaheimurinn hefur beðið með eftirvæntingu eftir MX-30, sem er ný viðbót við framboð Mazda, og er þriðji bíll nýrrar kynslóðar frá bílaframleiðandanum.
Bíllinn var frumsýndur í beinni útsendingu frá alþjóðlegu bílasýningunni í Tókýó og þar kom fram að markmið Mazda er að bjóða upp á upplifun sem gerir viðskiptavinum kleift að slaka á og vera sjálfir og dýpka tengslin milli bíls og eiganda, þar til viðbótar býður bíllinn upp á skapandi tíma og rými sem býður upp á nýjar leiðir til notkunar ökutækis, eins og fram hjá talsmönnum Mazda við frumsýninguna.
Samkvæmt siðfræði „Car-as-Art“ miðar hönnun MX-30 að því að auka listrænt gildi hennar og auka svipmikið svið „Kodo“ frá Mazda – „Soul of Motion“ hönnunartungumáli fyrirtækisins. Byggt á hugmyndinni um „Human Modern“, er hönnunin byggð á fallegu fóðruðu, handunnnu formi Kodo, en jafnast þó á við breytt gildi og nýja lífsstíl.
Rými í og við miðjustokkinn veita innanrými bílsins opna tilfinningu og umhverfisvæn efni eins og korkur og ofið efni úr endurunnum efnum eru notaðir á þann hátt sem dregur fram náttúrulegt yfirbragð og skapar þægilegt innanrými. Að auki er MX-30 með nýstárlega opnun hurða, sem opnast út í miðju, svo viðskiptavinir geti fundið upp nýjar og skapandi leiðir til að nota bílinn.
Í samræmi við hugmyndafræði manna, voru Mazda verkfræðingar staðráðnir í að skila sömu „Jinba-ittai“ akstursgleði og sérhver Mazda býður einnig upp á í þessum rafmagnsbíl. Nýi bíllinn tileinkar sér nýja rafdrifstækni Mazda, e-Skyactiv, og sameinar framúrskarandi viðbrögð og mjúka kraftmikla svörun til að ná frammistöðu sem ökumenn geta notið náttúrulega.
„Á hvaða tímabili sem er, Mazda vill að fólk upplifi stórkostlegar stundir í lífinu í gegnum bíla,“ sagði Akira Marumoto, aðalforstjóri Mazda á frumsýningunni. „Við munum halda áfram að leitast við að skila skapandi vörum og tækni svo viðskiptavinir okkar muni elska og halda fast í sinn Mazda í langan tíma.“
Ekki vitað mikið um drifrásina
Það var mikið gert úr útliti MX-30 að innan sem utan við frumsýninguna, en af hálfu Mazda var ekki mikið opinberað um mikilvæg smáatriði sem skipta máli fyrir rafbíl: afl og aksturssvið. Hvort tveggja er leyndardómar, þó svo að það virðist sem bíllinn sé líklega eingöngu með vélbúnaðinn að framan. Hann er sagður vera með rafmagnsútgáfu af því sem Mazda kallar „G-Vectoring Control“, sem er kerfi sem dregur úr togi með inntaki stýris til að færa þyngdarpunktnn framar fyrir stærri snertiflöt að framan og betri svörun afls. Rafhlaðan, sem staðsett er í gólfinu í bílnum, er kæld með kælimiðli, svo að hún er ekki einfaldlega loftkæld og bíllinn mun verða samhæfður við algengar hraðhleðslustöðvar.
Sportlegt útlit
Útlit þessa nýja rafbíls frá Mazda er með sportlega tilvísun. Hann er með „fastback“ þaklínu sem er svipuð coupé-sportbílum. Reyndar væri jafnvel hægt að kalla þennan „crossover“ coupé þar sem hann notar sömu gerð af fyrirkomulagi opnunar hurða að aftan og er að finna í coupé-bílunum RX-8 og Saturn Ion. Þakið er einnig fáanlegt í sérstæðum grafítlit. Neðri helmingur yfirbyggingarinnar er einfaldur og svolítið kassalaga með þverskornum framenda. Framendinn er með mun minni útfærslu á fimmhyrningslaga grillinu frá Mazda og grillið samlagast framljósunum vel. Og eins og allir „crossover“-bílar í dag, er MX-30 með stórum plastbogum við hjólskálar.
Frumlegt innanrými
Innanrýmið í MX-30 er ekki margbrotið en frumlegt, nútímalegt mælaborð sem er lágt og breitt. Nýtt fyrir MX-30 er snertiskjár með stýringum á miðstöð og loftslagskerfi og situr á „fljótandi“ miðjustokki og stjórnborði. Innanrýmið er með einstök efni eins og endurunnið efni úr plastflöskum og korkur er áberandi á miðjustokknum. Sá korkur er gerður úr afgangi frá korktappafyrirtæki og það er fín tilvísun í uppruna Mazda sem korkframleiðanda.
Myndir: Mazda.
