Fiat kemur með þriðju hurðina fyrir 500-e rafbílinn
MÍLANÓ – Fiat ætlar að afhjúpa afbrigði af nýja 500 rafmagnsbílnum í næsta mánuði með lítilli viðbótar hliðarhurð sem opnast fram sem veitir greiðari aðgang að aftursætunum.
Þriðja hurðin verður hægra á bílnum og bætir um 30 kg við þyngd ökutækisins vegna þess að hún þarf að innifela B-súluna til styrkingar.
Sala myndi hefjast snemma á árinu 2021. Afhending á tveggja dyra nýja 500 fólksbílnum mun hefjast um miðjan næsta mánuð.
Þriggja dyra afbrigðið gæti verið kallað Trepiuno, eða „þrír plús einn“ á ítölsku, sögðu menn frá áætluninni við Automotive News Europe. Nafnið væri tenging við 2004 samnefndan hugmyndabíl sem varð að lokum framleiðsluútgáfa Fiat 500 árið 2007.
Hins vegar vísaði „þrír plús einn“ heiti hugmyndabílsins til getu þess til að breyta í fjögurra sæta úr þriggja sæta með því að renna farþegasætinu fram á við, en á nýja 500 vísaði það til tveggja hurða, hlaðbaksins og þriðju hurðarinnar.
Önnur farartæki hafa notað svipað hurðarfyrirkomulag, með misjöfnum árangri. Það sást á Mazda RX-8 sportbílnum og er algeng lausn á pallbílum með lengri stýrishús. Fyrsta kynslóð Mini Clubman var með þriðju hurðina, en eiginleikinn var ekki endurtekinn á núverandi útgáfu, sem er stærri og hefur hefðbundnara fjögurra hurða fyrirkomulag.
Yfirleitt verður að loka slíkum hurðum fyrst á undan aðalhurðinni, til að forðast að hún opnist á meðan bíllinn er á hreyfingu.
Þriðju hurðin verður aðeins hægra megin á nýja 500, sem þýðir að hún væri bílstjóramegin í Bretlandi og Írlandi.
Þriggja dyra útgáfan væri þriðja afbrigðið af Nýja 500, á eftir hlaðbak og blæjubíl. Bíllinn verður smíðaður í Mirafiori verksmiðju Fiat Chrysler Automobiles í Tórínó á Ítalíu. FCA er þar með framleiðslugetu á 80.000 einingum á ári fyrir afbrigðin þrjú.
Fiat mun tilkynna um verð þriggja dyra afbrigðisins síðar, en búist er við að það verði hærra en hlaðbakurinn en minna en blæjubíllinn.
Fraumgerðin af nýja 500, sem kallast Prima, byrjar á 34.900 evrum fyrir hlaðbakinn og 37.900 fyrir blæjubílinn á Ítalíu, þar með talið uppsetningu á „Wallbox“ heimahleðslu. Fiat hefur ekki tilkynnt um nein önnur verð á nýja 500. Fiat 500 með bensínvél byrjar á innan við 15.000 evrum.
Nýi 500 er knúinn af 87 kílóvatta (116 hestafla) rafmótor og 42 kílóvatta litíumjón rafhlöðu. Fiat segist hafa 320 km aksturssvið samkvæmt WLTP prófunarferlinu.
Í samanburði við bensínknúnar útgáfur af bílnum er nýi 500 60 mm lengri, 3.631 mm; 60 mm breiðari, 1.687 mm; 20 mm hærri, 1.508 mm; og hjólhaf bílsins hefur aukist um 20 mm í 2.320 mm.
(Automotive News Europe)
