Klassískir Bugatti komnir „heim“
Bugatti færir 5 af vinsælustu klassísku módelunum sínum „heim“
Hver á sér einstaka sögu og er mikilvægur hluti af sögu fyrirtækisins
Sagt er að meðalkaupandi Bugatti-bíla á nú þegar heilmikið af bílum og á líklega einn af flottustu bílum vörumerkisins áður en hann bætir öðrum í „hesthúsið“.
Bílaframleiðandinn hitti einn þekktasta safnara Bugatti-bíla á undanförnum árum, en hann var ekki að vonast til að selja honum annan bíl.
Bugatti vildi geyma og varðveita bílana sína, sem margir hverjir leiddu fyrirtækið til mikils vaxtar og sem einn af leiðandi aðilum í mótorsporti og lúxus. Bílaframleiðandinn náði þessu fram og hefur nú flutt umtalsverðan hluta af þessari sögu sinni „heim“.
Hans Matti er ritari Bugatti Club Suisse og hefur safnað einu glæsilegasta safni heims af klassískum Bugatti bílum.
Bílskúrinn hans var með Bugatti Type 51, Type 37A, Type 49 Faux cabriolet, Type 35B, og Type 35A. Bílarnir eiga hver um sig ótrúlega sögu þar á meðal Type 51 með Grand Prix kappaksturssögu sinni og Type 49 sem var einkabíll Jean Bugatti.
Ökutækið er talið vera það eina í heiminum með Faux Cabriolet yfirbyggingu sem unnin er í Bugatti verksmiðjunni. Tegund 51 var kappakstursbíll frá verksmiðjunni sem keppt var af Louis Chiron.
Bugatti segir að Type 35A sé með vélina, gírkassann og afturöxulinn úr einum af Type 36 kappakstursbílum Bugatti, sem báðir eyðilögðust. Tegund 37A er frá 1929 og er enn í keppni í dag.
Hann er með forþjöppu á fjögurra strokka vélinni sem gaf honum tæplega 200 km/klst hámarkshraða. Bugatti bendir á að aðeins 76 bílar hafi verið með forþjöppu.
Hér að neðan má sjá myndasyrpu af bílunum:
(grein á vef Autoblog)
