Lego afhjúpar klassískan Chevy Camaro Z28 sem kubbasett
„Lítið illt dýr sem borðar Mustang í morgunmat“
Lego hefur afhjúpað nýjasta klassíska bílainnblásna settið sitt: „kubba“-útgáfu af 1969 Chevrolet Camaro Z28.
Eins og með Lego á hinum klassíska loftkælda Porsche 911, þá hafa smiðir Camaro val um að setja hann saman sem harð-topp eða sem blæjubíl – breytanlegan með þeim möguleika að vera með opin eða falin framljós.
Fullbúin gerðin er rúmlega 10 cm á hæð, 36 cm á lengd og 14 cm á breidd og eins og venjulega er settið einstaklega ítarlegt og inniheldur hagnýta hluti eins og stýri sem virkar, nákvæma vél og opnanlegar hurðir.
Með yfirbyggingu í gljáandi svörtu, hafa kaupendur einnig möguleika á að sérsníða Camaro-inn sinn með rauðum, hvítum eða gráum kappakstursröndum.
„Camaro Z28 árgerð 1969 hefur vakið athygli á og af vegum í áratugi, og þess vegna erum við svo stolt af því að sjá hann lifna við á glænýjan hátt með Lego-kubbum,“ sagði Harlan Charles, vörumarkaðsstjóri Camaro hjá Chevrolet.
„Sá sem elskar flotta hönnun Camaro Z28 1969 hefur nú möguleika á að smíða þetta sett og hafa til sýnis á heimilinu.“
Byggt á fyrstu kynslóð Chevrolet Camaro, keppinautar Ford Mustang, var Z28 hugsaður sem „kappaksturstilbúin“ útgáfa af Camaro, knúin af lítilli 4,9 lítra V8 vél sem skilar 290 hestöflum.
Hærra þjöppunarhlutfall, steyptir stimplar, endurbættur sveifarás og tvöfaldir Holley blöndungar gerðu Z28 hraðskreiðari en venjulegan Camaro.
„Með klassískum línum og flottri hönnun er Camaro Z28 frá 1969 óviðjafnanlegur í glæsileika sínum – þess vegna var hann svo dásamlegur innblástur fyrir þessa Lego hönnun,“ sagði Lego hönnuðurinn, Sven Franic.
„Með því að smíða þetta sett geturðu séð sjálfan þig fyrir þér við stýrið.“
Nýlegir Lego-pakkar sem hafa fengið góðar viðtökur hafa innihaldið Vespa mótorhjól, Optimus Prime úr Transformers seríunni, Porsche 911 og hinn alveg ótrúlega (og, á £350, mjög dýr) Lego Technic Lamborghini Sián FKP 37.
Aðdáendur amerískra bíla eins og Camaro hafa fullt af öðrum valkostum fyrir utan. Það er líka Ford F-150 Raptor pallbíll og Cadillac ECTO-1 sjúkrabíllinn úr Ghostbusters myndunum.
Því miður virðist nýlega útgefið Back to the Future DeLorean tímavélasettið vera algjörlega uppselt.
Þegar einn yfirmaður Chevrolet var spurður hvað Camaro væri í raun og veru svaraði hann að sögn: „Lítið illt dýr sem borðar Mustang í morgunmat,“ og fyrir þá sem vilja endurskapa þennan klassíska sjöunda áratugar hestabílabardaga í bókahillunni sinni, þá er líka til 1.471 stykkja „kubba-útgáfa“ af Ford Mustang árgerð 1967.
Þessi nýjasti „kubbapakki“ frá Lego með Camaro í 1.458 stykkjum fer í sölu í Lego búðinni á Englandi 1. ágúst og mun kosta 149,99 pund eða sem svarar til kr. 24.675,-.
(vefur Sunday Times Driving)
