Fiat verður eins bíls vörumerki í Ameríku
Alrafmagnaður Fiat 500e verður frumsýndur í Bandaríkjunum á bílasýningunni í Los Angeles á dögunum og CarBuzz var á staðnum til að ræða við Oliver Francois, framkvæmdastjóra vörumerkisins, um litla rafbílinn.
Endurkoma borgarbílsins, að þessu sinni eingöngu sem rafbíll, fékk CarBuzz til að velta fyrir sér hvort Fiat hafi áform um fleiri gerðir, rafbíla eða ekki.
Svarið var einflat – „Nei“. Jafnvel þó Fiat sé stærsta alþjóðlega vörumerki móðurfyrirtækisins Stellantis, á eftir Peugeot, er raunveruleikinn sá að viðvera Fiat í Bandaríkjunum er mjög lítil.
„Þurfum við Ameríku? Nei. Þarf Ameríka okkur? Svo sannarlega ekki“, sagði Francois.
„En við erum með aðdáendahóp. Við reyndum að kynna aðrar gerðir [eins og 500X crossover og 500L hlaðbak], en 500 er Fiat.
Þetta er einnar gerðar vörumerki í Bandaríkjunum. Við þurfum engar aðrar gerðir. Ég sé ekki möguleika á stækkun vörumerkisins.“
(frétt á vef AutoSpies)
