Fólksvagninn, Volkswagen, VW, Bjallan… Bjöllur heimsins eru fjölmargar og ekkert furðulegt að enn sé góður slatti til af þeim 21,529,464 sem framleiddar voru frá 1938 til 2003.
En ekki eru þær þó alls staðar kallaðar bjöllur með vísan til skordýrsins. Alls ekki!
Ekki algjör padda!
Nú væri rökrétt að ætla að þar sem fljótlega var farið að kalla Volkswagen „Käfer“ í heimalandinu Þýskalandi (Käfer þýðir bjalla) myndi pöddutengingin loða við bílkvikindið í hvaða landi sem er. Bug eða Beetle-bug kallast bíllinn sá í Bandaríkjunum. Í Kanada, Englandi, Ástralíu og Nýja-Sjálandi er það Beetle.
Padda eða bjalla? Skiptir ekki öllu þó að padda sé nú öllu leiðinlegra og víðtækara en bjalla. Þessi bjöllu-pöddutenging er nú bara tilkomin af lögun bílsins og allt í sóma með það.
Tekur paddan á sig ýmsar myndir hér og þar í heiminum og nefni ég nokkur dæmi :
Pulga (fló) í Kólumbíu
Cucaracha (kakkalakki) í Gvatamala og Hondúras
Coccinelle (maríubjalla eða maríuhæna) í Frakklandi
??? (bjalla) í Rússlandi
Maggiolino (aldinborri sem er bjöllukyns) á Ítalíu
Fusca (svartur maur) í Brasilíu, Úrúgvæ og Paragvæ
Fleiri kvikindi bætast við
Nú gerist eitthvað voðalega undarlegt því ekki ólíkari lífverur en froskar og skjaldbökur bætast við heitin blessaðrar „bjöllunnar“.
Nokkur dæmi:
Sapito (karta eða eitthvert stökkvandi froskdýr) í Perú
Kodok (froskur) í Indónesíu
Ghoorbaghei ??????? ?? (froskur) í Íran
Agroga ?????? (lítill froskur) eða Rag-gah ????? (lítil skjaldbaka) í Írak
Peta (skjaldbaka) í Bólivíu
?????????? (skjaldbakja) í Búlgaríu
Kaplumba?a (skjaldbaka) í Tyrklandi
Broasca (lítill froskur) eða Buburuza (maríubjalla) í Rúmeníu
Svo eru það „búbblurnar“ eða bólurnar
Í Skandinavíu er þetta spes með Bjölluna því þar er hún nú bara bóla:
Boblen (bóla) í Danmörku
Kupla í Finnlandi
Boble í Noregi
Bubbla í Svíþjóð
Bobla í Færeyjum
Ástæðan er sennilega sú að ef skordýratengingin fengi að haldast í þessum löndum yrði sumt alveg agalegt:
Bille í Danmörku
Kovakuoriaine í Finnlandi
Bille í Noregi
Skalbagge í Svíþjóð
Klukka í Færeyjum
Svíar og Finnar myndu koma illa út úr þessu pöddulega séð og þá er nú búbblan eða bólan betri.
Alveg óskylt kvikindum hvers kyns
Að lokum er það sérstaki flokkurinn en þar er lítil tenging á milli útlits bílsins og þess sem hann kallast.
Cepillo (bursti eða hefill, jafnvel skafa) í Dóminíska lýðveldinu
Poncho (sem ég fæ ekki betur séð og skilið en vísi til herðaslárinnar fremur en einhvers „padd-kyns“) í Chile
Garbus (kryppa) í Póllandi
Og hér er það síðasta og besta:
Banju Maqlub (baðker á hvofi) á Möltu
Saga VW Bjöllunnar var rakin í býsna góðri grein eftir Jóhannes Reykdal og hér er hún: Bíllinn sem vildi ekki deyja
Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.
