- ID GTI hugmyndabíllinn snýr aftur til upprunalega Golf GTI sem var fyrst sýndur fyrir 48 árum síðan á bílasýningunni í Frankfurt.
MUNICH – Volkswagen vörumerkið mun setja á markað öfluga útgáfu af væntanlegum litlum rafhlöðubíl sínum með GTI merkinu.
VW forsýndi kraftmikinn lítinn rafbíl með ID GTI hugmyndabílnum. Bíllinn var afhjúpaður á sunnudaginn fyrir bílasýningu IAA Mobility í München sem fram fer dagana 5. til 14. september.
„Við erum að flytja erfðaefni GTI inn í raföldina,“ sagði Thomas Schaefer, forstjóri VW vörumerkisins, í yfirlýsingu.
ID GTI vísar aftur til upprunalega Golf GTI sem var fyrst sýndur fyrir 48 árum síðan á IAA bílasýningunni í Frankfurt 1975.
VW segir að ID GTI hugmyndabíllinn sé „sportbíll fyrir rafmagnsöldina sem hentar til daglegrar notkunar“.
Ökumenn geta valið „Vintage mode“ eða afturhvarf til gamla tímans með stillingu fyrir stafræna stjórnklefann sem sýnir endurgerð á mælunum frá annarri kynslóð Golf GTI.
Hugmyndabíllinn er einnig með rauða umgjörð GTI við grillgrindina, sem er fyllt í vegna þess að rafbílar þurfa ekki loftflæði til að kæla brunavél.
Upprunalegur Golf GTI kom af stað þróun svokallaðra „heitra hlaðbaka” um alla Evrópu sem færði venjulegum smábílum aukið afl og sjónrænan mun án þess að auka kostnað verulega.
Upprunalegur VW Golf MK1 frá 1982.
VW lýsir ID GTI hugmyndafræðinni sem „sportbíl fyrir rafmagnsöldina sem hentar til daglegrar notkunar“.
ID GTI er 4104 mm langur, lengri en upprunalegi Golf GTI, sem var 3705 mm. Hann er lengri en VW Polo, sem er 3971 mm.
VW gaf hvorki upp afköst né afltölur fyrir bílinn, en fyrirtækið sagði að viðbætur muni fela í sér að bætt verði við mismunadriflæsingu á framöxulinn sem hjálpar hjólunum betur að koma aflinu til skila.
Aðrar sportmiðaðar viðbætur við bílinn eru meðal annars herma gírskiptingar, sem hægt er að nálgast í mismunandi stillingum í gegnum GTI Experience Control. „Í fyrsta skipti er hægt að stilla drifkerfið, akstursbúnað, stýri og hljóðupplifun,“ sagði VW.
GTI stillingin mun einnig fela í sér stöðu bílsins á brautinni þegar ekið er á Nürburgring Nordschleife í Þýskalandi, svo dæmi sé tekið.
Hugmyndabíllinn sem sýndur verður í München er byggður á ID2all hugmyndinni sem VW kynnti í mars.
Framleiðsla ID2 á að koma á markað árið 2025 sem lítill rafbíll á viðráðanlegu verði á undir 25.000 evrum (um 3,6 millj ISK).
Hönnun ID GTI hugmyndarinnar tekur grunn ID 2all og bætir við sportlegum þáttum eins og tveimur rauðum dráttaraugum á ytra svæði framgrillsins og svörtum áherslum.
Matt svartir þættir á neðri hluta framenda sem og neðarlega á hliðinni kalla fram áherslur upprunalega GTI, sem bætti svörtum spoiler við framendann.
Önnur hönnunartilvísun til upprunalega Golf GTI felur í sér endurhönnun á Pirelli álfelgunum sem og upplýsta útgáfu af 12:00 merkinu á stýrinu, eiginleiki sem er ætlað að láta ökumann vita þegar hjólin vísa beint við hressandi akstur í beygjumr.
Allar útgáfur af VW litlum rafbílnum verða smíðaðar á Spáni. Framleiðsla ID2 mun eiga þrjú systkini – lítill VW sportjeppa, Cupra sportlegan hlaðbakur og Skoda lítill sportjeppa.
Stærðarhagkvæmnin mun gera VW kleift að lækka kostnað bílanna, en útgáfur eins og jepparnir og GTI gera Volkswagen Group kleift að auka framlegð.
VW hefur áður sagt að grunnútgáfa litla bílsins muni hafa drægni upp á 450 km. Fyrirtækið sagði að ID 2all hugmyndabíllinn muni hraða úr 0 í 100 km/klst á innan við 7 sekúndum, sem yrði bætt með GTI útgáfunni.
ID 2all var hannaður af nýjum hönnunarstjóra VW vörumerkisins, Andreas Mindt, sem tók við af skapara ID Life hugmyndarinnar, Jozef Kaban, í febrúar.
„Að mínu mati er kraftmikill ID 2all fullkominn grunnur fyrir rafmagns GTI,“ sagði Mindt í yfirlýsingu.
“Ég var þegar með GTI í huga þegar ég setti penna á blað fyrir ID 2all. Það er nú að verða að veruleika.”
(Nick Gibbs – Automotive News Europe)
Umræður um þessa grein