VW ID3 selst nánast eins vel og Golf
ID3 rafbíllinn frá Volkswagen mun líklega ná söluaukningu eftir að vörumerkið hóf að taka við pöntunum á nýrri grunngerð bílsins.
Hingað til hefur VW einbeitt sér að hærri endanum á markaðnum með ID3 Pro sem byrjar á 34.995 evrum (um 5,45 milljónum ISK) og getur ekið allt að 426 km á einni hleðslu vegna stóru rafhlöðunnar sem er í bílnum.
Nú geta evrópskir viðskiptavinir pantað grunngerð rafbílsins sem kallast ID3 Pure á verði um 30.000 evrur (um 4,6 milljónum ISK).
Gert er ráð fyrir að ID3 Pure sé með 330 km akstursvið á rafhlöðunni samkvæmt WLTP prófunarferlinu.
ID3 lauk árinu 2020 með mikilli sölu eftir að frumsýningu hans var seinkað vegna galla í hugbúnaði. VW hóf afhendingu ID3 í Evrópu í september en án lykilaðgerða eins og App Connect. Vandamálin voru lagfærð í desember.
ID3 var nálægt því að ná VW Golf í desember. Golf var söluhæsti bíll Evrópu í mánuðinum með 29.949 selda bíla, en næsti keppinautur hans var ID3 og seldist hann í 26.987 eintökum, samkvæmt söluskýrslu Automotive News Europe og JATO Dynamics í desember.
Söluhæstu 10 gerðirnar í Evrópu í Desember 2020
Sótt á markaðinn ofan frá
Jafnvel þó bílaframleiðendur eins og Tesla og VW hafi auglýst fjöldamarkaðsbíla sína með lágu verði, komu þeir samt með dýrari útgáfur á markaðinn í byrjun.
Í nóvember gaf Herbert Diess, forstjóri VW Group, vísbendingu um hvers vegna sú var raunin.
Fyrirtæki hans treysti á að bílar fari frá toppi með líkön eins og Porsche Taycan og Audi e-tron til að ná markmiðum sínum um losun koltvísýrings í flotasölu í Evrópu. Að fara af stað með rafknúin ökutæki í flokki smábíla og minni bíla til að draga úr losun koltvísýrings væri óarðbær, sagði Diess.
VW sagðist hafa fengið 68.800 pantanir á ID3 í fyrra, þar af hafa 56.500 einingar verið afhentar viðskiptavinum frá því í september hófst.
Þetta setti ID3 framar Audi e-tron með 47.300 eintök afhent og VW e-Golf með 41.300, sem gerir ID3 að söluhæsta rafbíl hópsins árið 2020.
ID3 er aðeins upphafið að sókn rafknúinna ökutækja frá VW. Söluaðilar í Þýskalandi og Hollandi hafa þegar fengið fyrstu bílana af ID4 crossover. Alldrifsútgáfa, sem kallast ID4 GTX, á að fara í sölu eftir nokkra mánuði, áður en ID5 crossover með coupé-útliti kemur fyrir árslok.
(Automotive News Europe)
