Volkswagen vakti mikla athygli í Kína

• Volkswagen leggur mikið kapp á að vera áberandi fyrir kínverska bílakaupendur. Á bílasýningunni í Sjanghæ sýndi framleiðandinn þrjá nýja hugmyndabíla.

Bílablogg sagði frá því á dögunum að Volkswagen kynnti þrjá nýja rafknúna hugmyndabíla fyrir Kína á bílasýningunni í Sjanghæ, sem við áttum eftir að skilgreina betur.

Kínverski bílamarkaðurinn er sá stærsti í heimi og þess vegna hefur Volkswagen eðlilega sína eigin stefnu sem á aðeins við um Kína, „Í Kína, fyrir Kína“.

Kínverskir bílaframleiðendur erþarnaí samstarfi og saman sýndu þeir nú þrjár gerðir sem munu vísa veginn í hönnun og tækni fyrir næstu kynslóð rafbíla fyrir kínverska neytendur.

ID. AURA (frá FAW-Volkswagen), ID. ERA (frá SAIC Volkswagen) og ID. EVO (frá Volkswagen Anhui) eru gerðarnöfn bílanna sem nú var verið að sýna.

Þýski framleiðandinn vill kynna alls 30 nýjar gerðir fyrir lok árs 2027, allar sniðnar að Kína.

20 af þessum verða rafknúnir eða tengitvinnbílar. Með öðrum orðum, það verður mikið að gera framundan, en það hjálpar VW líklega að eiga duglega kínverska samstarfsaðila.

ID.ERA frá SAIC Volkswagen er stór sportjeppi með þremur sætaröðum. Þetta verður fyrsta gerðin frá Volkswagen með drægnilengingartækni. Eldsneytisrafstöð hleður rafhlöðuna á meðan ekið er og veitir yfir 700 kílómetra aukadrægni. Samhliða 300 kílómetra drægni í rafhlöðustillingu getur hugmyndabíllinn því ferðast meira en 1.000 kílómetra, samkvæmt Volkswagen.

ID.ERA.

ID.EVO frá Volkswagen Anhui er miðaður við unga, lífsstílsmeðvitaða kaupendur sem vilja skera sig úr, segir Volkswagen.

ID. EVO er fyrsti alrafknúni stóri sportjeppinn í ID.UNYX fjölskyldu Volkswagen. Hann lofar hraðhleðslu með 800 volta palli og nýjustu stafrænu þjónustu, samkvæmt framleiðanda.

ID.EVO.

ID. AURA frá FAW-Volkswagen er fyrsti hugmyndabíllinn sem byggir á „Compact Main Platform“ (CMP) með svæðisbundinni rafeindahönnun sem Volkswagen hannaði sérstaklega fyrir kínverska markaðinn.

Markmið þessarar gerðar er líklega að bjóða upp á háþróaðan bíl fyrir verðmeðvitaðan viðskiptavinahóp.

ID.AURA.

Þótt allir þessir þrír bílar séu sérstaklega hannaðir fyrir markaðinn í Kína þá gefa þeir án ef tóninn fyrir það sem koma skal frá VW á öðrum mörkuðum á næstunni.

Við eigum líka eftir að sjá betur hvernig „tollastefna“ Donald Trump á eftir að hafa á heimsmarkað bíla á næstunni, og þá einnig hvaða bílar og frá hvaða landi munu lifa af – ef svo má að orði komast.