„Á svona bíl getur maður bara ekki orðið of seinn,“ sagði Chris Harris sem sýndi ágæta takta þegar hann ók hrikalega flottum Maserati MC20 eftir flugbrautinni. Bíl sem „lifnar við í beygjum“ sagði ökumaðurinn sem sjálfur lifnaði við með frábærum og áður óþekktum svipbrigðum.
Harris, einn stjórnenda Top Gear þáttanna bresku, virðist njóta vinnunnar í botn enda er botngjöf málið, alla vega á þessum bíl við kjöraðstæður.
Svipbrigði ökumannsins eru mörg í þessu stutta myndbandi, sem gefur tóninn fyrir fjórða þátt 32. þáttaraðar Top Gear. Þátturinn verður sýndur á sunnudagskvöld á BBC.
Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.
