V8 Land Rover Defender afhjúpaður á njósnamyndum
-Autocar sýnir myndir af frumgerð bílsins sem mun kosta meira en 100.000 pund, verður með 500 hestöfl 4×4 og settur til höfuðs Mercedes-AMG G63
Land Rover vinnur að V8 útgáfu af nýja Defender, breski bílavefurinn Autaocar sýnir okkur njósnamyndir af þessari frumgerð (sem við gátum ekki setið á okkur að sýna líka).
Sögusagnir um öfluga gerð af þessum jeppa með átta strokka vél hafa verið á kreiki um nokkurn tíma, en slík útgáfa bílsins er eftirsótt af áhugamönnum.
Verkfræðingar hafa áður gefið Autocar til kynna að V8 myndi passa undir vélarhlífina en ekki staðfest neitt umfram það.
Nú sýna myndir hins vegar ódulbúinn Defender sem ekur á vegum fyrir utan rannsókna- og þróunaraðstöðu Land Rover í Gaydon, Warwickshire, með ‘Prototype Vehicle’ límmiða sem er fyrir bíla í prófunum.
Þó að engar breytingar séu sýnilegar að framan, þá sýnir útblásturskerfi að aftan fjórfaldan útblástur – sem notað er af Jaguar Land Rover aðeins í V8-gerðum.
Heimildir nálægt fyrirtækinu hafa staðfest tilvist verkefnisins, en opinbert svar JLR er: „Við getum ekki tjáð okkur um sérstaka eiginleika þessara [tækniþróunar] verkefna.“
Fimm lítra V8 bensínvél
Autocar hefur aflað skráningargagna fyrir bílinn á myndinni sem sýnir að hann er með 4999cc bensínvél, sem bendir til þess að hann sé knúinn af ‘AJ’ 5,0 lítra forþjöppu V8 sem notuð er í Range Rover Sport SVR og Range Rover Velar SVAutioiography.
Samt sem áður mun framleiðslu á AJ, sem hefur verið lengi í framleiðslu, ljúka áður en þessu ári er lokið þar sem Bridgend Ford verksmiðjan sem sú gerð er framleidd í verður lokað.
Fyrir komandi afkastamiklar gerðir, er JLR að nota 4,4 lítra V8 með tvöfaldri forþjöppu sem BMW framleiðir fyrir stærri M-bíla sína samkvæmt samningi milli fyrirtækjanna tveggja.
Þetta bandalag hófst með það að markmiði að þróa rafmagnaðar drifrásir, en heimildarmenn hjá þýska framleiðandanum sögðu frá því á síðasta ári að það hafði verið framlengt til að láta JLR í té ýmsar hefðbundnar brunavélar.
Þrátt fyrir að JLR hafi enn ekki verið staðfest opinberlega af notkun 4,4 lítra V8, þá er það skilningur Autocar að þetta sé einungis formsatriði.
Það er líklegt að 5,0 lítra vélin sé fyrst og fremst notuð til að prófa kraftmikil viðbrögð Defender með aukinni þyngd og afli.
Væntanlega aðeins í litlu magni
Hins vegar er það skilningur Autocar að V8 Defender sé hugsaður sem lítið magn sérstaks afbrigði frekar en bíll í fjöldaframleiðslu. Land Rover gæti vel verið að geyma Ford-smíðaða V8 til notkunar í Defender, vegna þess að losunarmarkmið eru miklu minna forgangsatriði fyrir sérhæfða framleiðslu.
Athyglisvert er að heimildir segja okkur að SVO-deild JLR (sérsmíðadeild fyrirtækisins) sé ekki beint í tengslum við Defender V8 verkefnið; í staðinn sé þetta „hliðarspor“ fyrir núverandi tæknihönnun Defender.
Það er því líklegt að vélin muni ekki bjóða upp á eins mikið afl og aðrir bílar frá SVO-deildinni, svo sem 567 hestafla Range Rover Sport SVR. Reyndar reiknar Autocar með því að það sé stillt að nálægt eða undir 500 hestafla markinu.
Líklegt að þessi gerð verði pöruð við átta þrepa sjálfskiptan gírkassa frá ZF, hann væri samt nógu öflugur til að vera góður keppinautur við Mercedes-AMG G63, sem fær 577 hestöfl frá 4,0 lítra V8 með tvískiptri forþjöppu en er nokkuð þyngri en Defender.
Verkfræðingar JLR hafa áður gefið í skyn við Autocar að G-Class væri notaður sem viðmið fyrir betri afbrigði Defender og þar sem Benz G63 er hátt hlutfall af sölu G-Class er ekki nema eðlilegt að breski framleiðandinn vilji fá sinn skerf af kökunni.
Hvort heldur sem er, þarf að endurskoða undirvagninn til að tryggja að V8 Defender sé fær um að meðhöndla slíkt afl. Loftfjöðrun gæti verið sett sem staðalbúnaður og myndi bjóða upp á úrval akstursstillinga.
Öflugur grunnur til að vinna með
Álstyrkt yfirbygging Defender, er sögð sú stífasta sem Land Rover hefur nokkru sinni framleitt, er öflugur grunnur fyrir tæknimennin til að vinna með.
Búast má við því að bíllinn með fjórfalt útblásturskerfið komist á framleiðslustig, ásamt venjulegum stærri felgum, lægri aksturshæð og viðbótum sem nauðsynlegar eru til að standa undir V8-merkinu.
Og það verður að vera merkt til að standa fyrir sínu: með verð sem nú er þegar yfir 75.000 pund fyrir toppgerð sérstaks sex strokka Defender með benínvél (um 13,8 milljónir ISK), þá eru allar líkur á því að V8 Defender muni kosta vel umfram 100.000 pund (18,4 milljónir ISK)
Ein ráðgáta er enn til staðar: hvort Land Rover mun bjóða upp á V8 í styttri bílnum Defender 90 auk 110 gerðarinnar sem sést hefur í prófunum.
Autocar segir að að viðskiptavinir á þessum markaðir búist við fimm hurðum, en þetta er takmarkað og sérstakt verkefni, svo einstök þriggja dyra útgáfa á V8 jeppa er möguleg.
Kemur væntanlega ekki á markað fyrr en seint á árinu 2021
Ekki búast við því að sjá þessa V8-gerð fyrr en seint á árinu 2021, því Land Rover mun forgangsraða hybrid-gerðum sem draga úr losun flotans á útblæstri og koma nýjum framleiðslubílum á götuna.
(byggt á vef Autocar)
