Nú ætlar Fiat slá í gegn með nýjum bíl í anda Fiat Panda sem heldur betur hefur skipað sér sess í bílasögunni. Sá mun sitja við hlið 500 og 600 bílsins á markaðnum. En ítalski risinn ætlar einnig að koma með ferska vinda inn á fjölskyldubílamarkaðinn – með tveimur glænýjum meðalstærðarjeppum sem munu berjast við toppana á þeim markaði eins og Nissan Qashqai, Skoda Karoq og Hyundai Tucson.
Á 125 ára afmælisviðburði Fiat, þar sem fyrirtækið opinberaði upplýsingar um nýjan Panda, staðfesti forstjóri vörumerkisins, Olivier François, að teymi hans væri að vinna að því að snúa aftur í C-hlutann með tveimur, „hagkvæmum, rúmgóðum og eftirsóknarverðum” nýjum gerðum.
Kassalaga sportjepplingur
Frekar en að einbeita sér að einföldum hlaðbaki eða skutbíl, stefnir Fiat að því að bjóða upp á afbrigði af sportjeppa sem hefur lengi verið vinsælt um alla Evrópu undanfarinn áratug. François sagði: „Stationinn [skutbíll] er táknrænn fyrir Fiat á Ítalíu, en við vitum að það er ekki það sem kaupendur [annars staðar] vilja.
Bílarnir tveir verða í formi hefðbundins sportjeppa en einnig „fastback” coupé-jepplings og meðfylgjandi myndir sýna hvernig gerðirnar tvær gætu litið út. Báðir bílarnir munu fylgja sömu hönnun sem þegar hefur sést á nýja Fiat Grande Panda – ekki bara stærri yfirbyggingu með sama lúkki, heldur einnig áberandi þróun á nýju „pixla” eða könntuðu yfirbragði Panda, með enn djarfari litum og sérkennilegum formum.
Nokkuð flottir bílar
Parið finnur fagurfræðilegan grunn sinn í tveimur af Panda hugmyndum Fiat sem kynntar voru á síðasta ári, en eru með fleiri framleiðslutengdum hlutföllum og smáatriðum.
Talandi um hvernig bílarnir tveir munu líta út sagði François við Auto Express: „Þeir eru ekki Pöndur, heldur „Panda innblásnir”. Þeir munu ekki heita Panda, en þeir verða innblásnir af honum: kassalaga og heillandi.
Fyrri gerðin, jeppalegri bíllinn mun verður með einhverjum torfæru vísbendingum. Þetta mun fela í sér notkun á andstætt lituðum plasthjólskálum, þakbogum og þykkum, harðgerðum stuðara að framan og aftan. Einn sláandi þáttur sem þegar hefur sést á bæði hugmyndinni og framleiðslubíl Grande Panda er sambland af kringlóttum hjólskálum með ferhyrndum umgjörðum; þetta er eitthvað sem við búumst við að sjá notað á sportjeppanum líka.
Jepplingur með hallandi þaki
Kúpubakurinn mun deila talsverðu af hönnunarþemanu með systurgerð sinni, þar á meðal hliðar ásýnd og almennum smáatriðum, en hann mun einnig vera með eftirtekarverðri, hallandi þaklínu. Ólíkt jepplingnum gerum við ráð fyrir að það verði minni andstæður og minna plast. Í staðinn meiri notkun á máluðum eða skuggalituðum þáttum.
Í báðum tilfellum mun framendinn einkennast af snjallri LED-lýsingu fyrir aðalljósin og áberandi útliti dagljósa og jafnvel mögulegri notkun á upplýstu Fiat-merki. Ofan á þetta gerum við ráð fyrir að sjá eitthvað nýtt í notkun á Fiat lógóinu og annarri nýrri grafík samþætt mörgum hönnunarsmáatriðum.
Bílarnir tveir munu ekki aðeins deila hönnunartungumáli sínu með Panda, því þeir munu einnig nota Smart Car grunn Stellantis Group sem liggur til grundvallar minni gerðinni. Smart Car kerfið hefur þegar sést styðja Citroen e-C3 og er sagt vera nógu sveigjanlegt til að gera Fiat kleift að lengja hjólhafið og breikka hjólabilið til að framleiða C-hluta gerð sem yrði samkeppnishæf í geiranum.
Myndir koma frá Autoexpress
Umræður um þessa grein