Tólf bílar keppa um titilinn bíll ársins 2021
Nú liggur fyrir hvaða bílar keppa um titilinn “bíll ársins 2021 á Íslandi”, en Bandalag Íslenskra Bílablaðamanna (BÍBB) hefur tilkynnt hvaða bílar komust í úrslit. Það var fimm manna forvalsnefnd sem velur úrslitabílana.
Keppt er til verðlauna í fjórum flokkum en stigahæsti bíllinn ár hvert hlýtur Stálstýrið til varðveislu.
En bílarnir tólf eru þessir:
Minni fólksbílar: Opel Corsa E, Toyota Yaris, Honda E
Stærri fólksbílar: VW ID-3, Peugeot e-2008, Opel Mokka
Minni jepplingar/jeppar: MG EHS PHEV, Skoda Enyaq EV, VW ID-4
Stærri jepplingar/jeppar: Ford Explorer, Kia Sorento, LR Defender
Bílarnir sem komust í úrslit verða svo prófaðir af tólf manna dómnefnd frá miðlum eins og bilablogg.is, Fréttablaðinu, Morgunblaðinu, FÍB blaðinu, Viðskiptablaðinu og visir.is.
Tilkynnt verður um úrslit í sérstöku hófi BÍBB í húsakynnum Blaðamannafélagsins í Síðumúla 23 mánudaginn 7. júní næstkomandi. Einnig munum við hér á bílablogg fjalla nánar um valið og úrslitin þegar að því kemur.
