Þurrkublöð með innbyggðum rúðuþvotti
Nýjar Wrangler rúðuþurrkur frá Jeep eru með innbyggðum rúðusprautum
Mopar þurrkublöð passa á Wrangler og Gladiator frá og með árgerð 2018
Samkvæmt vef Jalopnik í Bandaríkjunum eru Jeep og Mopar nú að selja hágæða rúðuþurrkur fyrir Jeep Wrangler og Jeep Gladiator. Jeep segir að nýju þurrkurnar muni hreinsa framrúður fljótt á meðan minni rúðuvökvi er notaður.
En rúðuþurrkurnar sem Jeep Performance Parts hefur kynnt eru einstaklega skilvirkar og eins kjánalega og það hljómar, þá virðast rúðuþurrkurnar skila sínu betur en framrúðuþurrkur og vökvakerfi nýrri gerða Jeep Wranglers.
Performance Wipers færa úðagjafann yfir á þurrkuarmana, sem setur vatnsbunurnar nær framrúðunni og, væntanlega, þrýstir meira á óhreina svæðið. Þurrkuarmarnir eru með 12 laserskornum götum meðfram öllu blaðinu, þannig að vökvaþrýstingurinn er líka meiri og jafnari.
Vídeo sem sýnir þurrkublöðin í virkni
Hrein stroka eða „Clean Sweep“: Jeep® Performance Parts kynnir ný, afkastamikil rúðuþurrkublöð
Jeep segir að óhreinindi og rusl skolist burt við fyrstu stroku blaðanna þar sem 12 vatnsbunur beina vökvanum þangað sem hann á heima.
Á gamla tveggja stúta kerfinu getur fyrsta stroka þurrkublaðanna verið tilgangslaus þegar verið er að þrífa framgler sem er þakið drullu… eða fugladriti.
Raunverulega, er þetta að flytja rúðusprauturnar góð hugmynd fyrir miklu meira en bara til notkunar í torfæruakstri.
Og fyrir fleiri bíla en bara jeppa. Eins og er eru þurrkurnar aðeins fáanlegar fyrir 2018-2022 Jeep Wrangler og Gladiator gerðir.
Þær eru fáanlegar núna frá Mopar og kosta 140 dollara eða sem svarar til um 19.300 ISK. Það felur í sér framrúðuþurrkuarma, blöð og slöngur sem þarf til að setja upp nýja kerfið.
Það kemur líka með eitt par af þurrkublöðum til skiptana. Stærsta spurningin mín um settið er hvort það verði til þess að ökumenn jeppa lokist inn í kerfi sem notar sérþurrkur. Það virðist vera líklegt.
Þetta gæti verið líklegt, segir Jalopnik-vefurinn, allt eftir verðinu á þurrkunum og óþægindunum sem fylgja sérstöku þurrkublöðunum.
Ég vil helst ekki þurfa að panta blöð frá Mopar þegar það er svo auðvelt að fara í Costco eða AutoZone og kaupa ný blöð, segir höfundur fréttarinnar á Jalopnik.
En þessi tækni er ekki ný
Jalopnik segir í þessari frétt sinni að það sé skrýtið af hverju enginn hafi komið með þetta fyrr!
En þessi tækni hefur áður verið kynnt: BOSCH hefur verið með „Jet Wiper“ þar sem vatn er leitt að rúðuþurrkuarminum við hlið þurrkublaðsins og auðveldar þannig hreinsun rúðunnar.
Skrifari Bílabloggs man eftir því að hafa ekið bílum þar sem slanga var leidd upp rúðuþurrkuarminn til að sprauta beint á rúðuna um leið og þurrkunum var beitt, en það er vissulega rétt að þetta er sennilega í fyrsta sinn sem sjálf þurrkublöðin eru með „innbyggðum“ úðastútum!
Ef grannt er skoðað má hér sjá fínleg göt fyrir „vatnsbununa“ á myndinni hér að ofan á þessu nýju þurrkublöðum frá Jeep.
(frétt á vef Jalopnik)
Umræður um þessa grein