Við hér á Bílabloggi fáum oft fyrirspurnir um ýmislegt varðandi bíla eða hvernig skrifað er um bíla, til dæmis hegðan þeirra í akstri.
Nýlegt dæmi um þetta er eftirfarandi spurning frá lesanda:
Hvað er þá yfirstýrður og undirstýrður bíll? Það var íslenskur bílaþáttur í sjónvarpinu fyrir ca 20+ árum og þáttastjórnandinn var að reynsluaka bílum og þeir voru ansi oft annaðhvort yfirstýrðir eða undirstýrðir, spyr sem ekki veit.
Stutta svarið er eftirfarandi:
Þegar bíll er „yfirstýrður“ snýst afturendi bílsins til þegar hann fer í beygju – hann beygir meira en ökumaðurinn ætlaðist til (eins og á myndinni efst í greininni). Þegar hann er „undirstýrður“ þá beygir bíllinn minna en ökumaðurinn var að reyna að framkvæma. Í sumum tilfellum heldur hann bara beint áfram.
Yfirstýring og undirstýring eru hagnýt hugtök sem notuð eru til að lýsa næmi bifreiða fyrir stýri. Yfirstýring á sér stað þegar bíllinn snýst meira en ökumaður hefur skipað, á meðan bíll með undirstýringu snýst minna en sem nemur því hvernig ökumaðurinn beygði. Þessar tvær aðgerðir koma upp í samræmi við snúning á stýri og hröðun til hliðar.
Mismunurinn
- Bæði yfirstýring og undirstýring á sér stað vegna mismunar á skriði á aftur- og framhjólum.
- „Skriðhorn“ er í grundvallaratriðum munur á stefnu framhjóla og stefnu bílsins.
- Þegar um undirstýringu er að ræða hefur ökumaður oft minni stjórn á stýrinu. Þegar yfirstýring á sér stað fær það bílinn til að snúa aftendanum þegar ekið er í gegnum beygju.
- Undirstýring á sér stað þegar framhjólin fara að plægjast beint þó að stýrinu sé snúið og yfirstýring á sér stað þegar afturendinn slæst út til hliðar vegna beygjukraftanna.
- Undirstýring er algengari í bílum með drifi á framhjólum á meðan yfirstýring er algengari í bílum með drifi á afturhjólum.
Umræður um þessa grein