Þegar Model 3 var hannaður var markmiðið að búa til vöru sem var sérstaklega hugsuð með skilvirkni í framleiðslu að leiðarljósi. Í þessu fólst að auka sameiginlegra eiginleika milli gerða. Model 3 var í eðli sínu lipur og skemmtilegur í akstri, þökk sé lágum þyngdarpunkti og dýnamískum undirvagni.
Með uppfærslu á vélbúnaði tókst okkur að búa til aðgengilegan, skemmtilegan og fjölhæfan sportbíl sem var jafn hrífandi í langkeyrslu og í kröppum beygjum.
Allir þessir þættir gerðu það að verkum að Model 3 Performance varð til.
Sex árum eftir fyrstu Model 3 Performance bílarnir voru afhentir hafa framfarir í framleiðslu- og verkfræðigetu okkar gert okkur kleift að hanna og þróa nýja og ólíka Performance útfærslu.
Nýr Model 3 Performance byggir á gæðum og endurbótum á nýjustu útfærslu Model 3, en býður um leið upp á markvissari akstursupplifun auk einstakra eiginleika og hönnunarþátta.
Öflugasti og kraftmesti Model 3 hingað til
Nýjasta kynslóð Performance-rafmótorsins okkar skilar yfir 460 hestöflum, fer úr 0 í 100 km/klst. á aðeins 3.1 sekúndum og nær hámarkshraða upp á 262 km/klst.
Nýjar 20” álfelgur og performance-sumardekk skila auknu afli á vegina. Felgurnar tryggja skarpara viðbragð í beygjum, aukinn fyrirsjáanleika og aukið grip út úr beygjum, bæði á hefðbundnum vegum og kappakstursbrautum.
Sjálfvirk aðlögunarhæf fjöðrunartækni okkar í Model 3 Performance er stjórnað af innbyggðum hugbúnaði Tesla og samþættum VDC-stjórnbúnaði (Vehicle Dynamics Controller). Þetta framúrstefnulega kerfi tryggir óviðjafnanlega stjórn án þess að það komi niður á hversdagslegu notagildi.
Uppfærður undirvagn, afkastamiklir hemlar og Track Mode
Við höfum innleitt umtalsverðar uppfærslur á vélbúnaði undirvagnsins til að auka afköst drifkerfa og fjöðrunar. Meiri stífni í burðarvirki, uppfærðir gormar, jafnvægisstangir og fóðringar skila undirvagni sem býður upp á meiri afköst og aukið viðbragð.
Performance bremsur, sem fylgja nú sem staðalbúnaður, tryggja skjótari hraðaminnkun, aukið hitaþol og aukna endingu.
Þetta allt gerir Model 3 Performance að bíl sem hentar jafnt á vegi og á kappakstursbraut. Rauðar bremsudælur prýða Model 3 Performance útgáfuna.
Nýjasta kynslóð Track Mode er nú samþætt við sjálfvirkar fjöðrunarstýringar með afkastamikilli aflrás sem bregst tafarlaust við skipunum ökumanns til að tryggja hámarksstjórn. Þegar búnaðurinn er virkjaður geturðu sérsniðið akstursstillingu, stöðugleika og endurheimt hemlaorku í glænýju notendaviðmóti.
Allar þessar breytingar skapa akstursupplifun sem fylgir viðbrögðum ökumanns á nákvæmari hátt til að þú getir nýtt þér aukna afkastagetu bæði á vegum og á kappakstursbrautinni.
Sérhönnun, í fyrsta sinn hjá Tesla
Model 3 Performance er líka sér á báti hvað varðar hönnun. Ytra byrði að framan og aftan eru meira afgerandi í útliti, straumlínulagaðri og búnir innfelldum kæliopum, sem vinna með dreifara að aftan og vindskeið úr koltrefjum til að hámarka lyftujafnvægi og stöðugleika á miklum hraða.
Að innan eru ný sportsæti með endurbættum hliðarpúða og hliðarbólstrun sem veita meiri hliðarstuðning í beygjum og átakaakstri. Þau eru einnig með hita og loftræstingu.
Koltrefjaklæðningar með einstöku Tesla-mynstri skera Model 3 Performance úr í Model 3-línunni.
Model 3 Performance kostar frá 8.799.902 kr. á Íslandi. Afhendingar hefjast í öðrum ársfjórðungi þessa árs.
Model 3 kostar frá 6.749.902 kr. á Íslandi.
(fréttatilkynning frá Tesla á Íslandi)
