Hekla kynnir nýjan og glæsilegan Škoda Enyaq, nýtt og betra verð á Audi Q6, auk sértilboðs á Volkswagen ID.4 GTX. Nú er tækifæri til að gera frábær kaup á nýjum bíl frá Heklu!
DJ sér um að halda uppi stuðinu og boðið verður upp á grillaðar pylsur og ís frá Valdísi. Blaðrarinn gleður yngstu gestina og auk þess gefst gestum tækifæri á að snúa lukkuhjóli. Thule verður einnig á staðnum með kynningu á ferðavörum – allt frá topptjöldum til hjólagrinda.
Nýr Skoda Enyaq
Vinsæli fjölskyldubíllinn Skoda Enyaq hefur nú fengið nýtt útlit og er enn betur búinn en áður. Bíllinn kemur með fjórhjóladrifi og allt að 539 km drægni á rafmagni (skv. WLTP). Með 175kW hraðhleðslu næst allt að 80% hleðsla á einungis 28 mínútum.
Skoda Enyaq er einstaklega rúmgóður með allt að 585 lítra farangursrými. Hann býður upp á lyklalaust aðgengi og snjallforrit sem gerir þér kleift að forhita bílinn áður en lagt er af stað. Rafknúið ökumannssæti með nuddi bætir síðan við auknum þægindum. Skoda Enyaq kemur með 5 ára ábyrgð eða upp að 100.000 km – hvort sem kemur fyrr og á verði frá 7.690.000 með styrk úr Orkusjóði.
„Við erum gríðarlega spennt að kynna nýjustu kynslóð af Skoda Enyaq, sem hefur selst í yfir 700 eintökum síðan hann var fyrst kynntur árið 2021. Nýjasta kynslóðin er betur búinn en áður og hefur fengið uppfært útlit sem verður í takt við framtíðar rafmagnsbíla frá Skoda.”
