Strax komin hækkunarsett fyrir hinn rafdrifna Jeep Wrangler 4xe

Strax komin hækkunarsett fyrir hinn rafdrifna Jeep Wrangler 4xe

• 2021 Jeep Wrangler 4xe fær 2 tommu lyftibúnað og hleðslutæki heima
• Settið bætir við FOX höggdeyfum og lyftir Wrangler-jeppanum um 2 tommur

Jeppabreytingar hafa lengi verið í tísku á Íslandi og mjög stór hluti jeppa er með einhverjar breytingar og ekur um á stærri dekkjum en þeir komu á í upphafi.

En „gósenland“ jeppabreytinganna er í heimalandi alvöru jeppanna, Bandaríkjunum, og framboðið á búnaði til að hækka og breyta jeppum er mjög mikið.

OG það stóð ekki á hlutum til að breyta þessari nýju gerð af Wrangler, því Jeep Wrangler 4xe 2021 er að stíga inn í Jeep-heiminn eins og hver annar Wrangler myndi gera, með fullt af Jeep-studdum fylgihlutum sem þú getur notað til að breyta bílnum. Það er kostur 4xe, að mati bílavefsins autoblog.

Þú færð möguleikann að geta ekið um 34 kílómetra á rafmagninu, en þetta er samt Wrangler, þannig að þú færð þá kosti sem því fylgja.

Lyftisettið komið

Stóru fréttir Jeep til að deila með okkur í dag eru í formi lyftibúnaðar. Það er nýr Jeep Performance Parts lyftibúnaður sem er sérstaklega hannaður fyrir 4xe. Það hækkar veghæð Wrangler um 2 tommur – Jeep markaðssetur það sem fyrsta lyftibúnað fyrir PHEV-jeppann eða tengitvinnbílinn.

Jeep búnaðurinn inniheldur FOX dempara, nýja gorma, nýja neðri arma að framan, sérstakan jafnvægisbúnað að framan og aftan, nýtt höggstopp að framan og aftan, allar festingar sem þú þarft auk JPP merkis.

Það er heilmikill pakki fyrir 2 tommu lyftu, auk þess sem þetta kemur allt í fínum JPP-merktum viðarkassa.

Allt ofangreint mun kosta þig $ 1.495 í Bandaríkjunum eða sem svarar 183.000 ISK . Jeep tilgreinir að allir hlutirnir séu sérstaklega gerðir og hannaðir fyrir 4xe – við gerum ráð fyrir að það þýði að þeir hafi endurskoðað nokkra þeirra til að takast betur á við aukaþyngd 4xe frá rafhlutunum.

Auk lyftibúnaðarins tilkynnti Jeep einnig framboð og verð á 240 volta hleðslutæki til nota heimavið hjá Mopar og Jeep. Þú getur valið á milli „tengi“ útgáfu eða „fasttengdrar“ útgáfu.

Bæði tækin hlaða rafmagn fyrir 4xe með hraða sem nemur um 23 kílómetra á klukkustundarhleðlsu með hleðslutækinu.

En til viðbótar við ofangreint er JPP vörulistinn með úrval aukahluta fyrir 4xe Wranglerinn, rétt eins og með alla aðra.

Bæði lyftibúnaðurinn og hleðslutækin eru fáanleg núna, þannig að þú getur nú þegar farið að sérsníða og eyða meiri peningum í nýja tengitvinn jeppann þinn, segir Autoblog við bandarísku jeppamennina.

(frétt á Autoblog)