- Betur búinn VW ID. Buzz með fjórhjóladrifi og aukamótor er á leiðinni
Volkswagen er við það að afhjúpa hágæða fjórhjóladrifsútgáfu af ID. Buzz. Þar sem hann er með GTX-nafnið mun hann slást í hópinn með ID.4 GTX með því að nota tveggja mótora aflrás til að gefa rafbílnum vægast sagt sportlega uppfærslu.
Eins og sést hér á nýjum njósnamyndum, sem Auto Express var að birta, mun GTX-útgáfan af ID.Buzz frumsýna nýtt útlit á framenda með örlítið endurhönnuðum neðri stuðara.
Nýi stuðarinn mun hugsanlega sameinast sérsniðinni hönnun á felgum, GTX merki og einstaka valkosti í litum til að hjálpa til við að afmarka flaggskip ID.Buzz frá minni útgáfum.
Það fer ekki á milli mála að GTX er með lengra hjólhaf en gerðin sem við höfum þegar séð á ferðinni hér á landi.
Nærmynd af stýrinu á ID. Buzz GTX hefur þegar verið opinberað á fjárfestakynningu VW, en það er sama stýrishjólið og notað á tveimur öðrum GTX bílum á MEB-grunni: ID.4 GTX og ID.5 GTX.
Stýrið verður heldur ekki eina líkingin á milli þessara bíla. Staðalgerð ID. Buzz notar 77kWh rafhlöðu – það sama og aðrar GTX-gerðir VW – en í ID. Buzz GTX gerir Auto Exprtess ráð fyrir að krafturinn hækki úr 201 hö í 295 hö, með tog sem er við 310 Nm. Staðlaða gerð ID. Buzz sendir drif eingöngu á afturhjólin, en GTX mun nota fjórhjóladrifskerfi alveg eins og ID.5 GTX.
Afköst ættu að aukast verulega frá 10,2 sekúndna 0-100 km/klst venjulegs bíls og 145 km hámarkshraðinn gæti jafnvel aukist líka. 410 km drægnin mun hins vegar lækka eitthvað vegna aukins krafts og þyngdar viðbótar rafmótorsins á framöxlinum.
Hleðsla fyrir GTX ætti ekki að hafa áhrif þar sem það notar sömu rafhlöðu og aðrar gerðir ID. Buzz. Það ætti að vera 170kW hleðsla um borð, þannig að hægt sé að fylla á rafhlöðuna úr fimm í 80 prósent afkastagetu á 30 mínútum.
Í ljósi þess að GTX-útgáfurnar eru hannaðar til að vera best búna gerðin í alrafmögnuðu VW-línunni, ID. Buzz GTX mun að öllum líkindum fá allan þann búnað sem er í núverandi gerð „fyrstu útgáfu“ eins og 21 tommu felgur og 12 tommu snertiskjá.
Auto Express gerir ráð fyrir að sjá GTX koma inn í ID. Buzz-línuna þegar á þessu ári, 2023, en verðið verði tilkynnt síðar á árinu.
(frétt á vef Auto Express)
