Solla orðin að alvöru ökutæki
Solla, eða Sally, úr teiknimyndinni Cars er tilbúin. Porsche 911 Sally Carrera Edition er alveg spes útgáfa sem verður boðin upp eftir viku. Nú kann einhver að segja að þetta sé nú frekar fyrir krakka en fullorðna. Það er einmitt málið og til þess er leikurinn gerður.
Sally verður boðin upp þann 20. ágúst hjá RM Sotheby´s og fá börn fá að njóta góðs af því að Solla, eða Sally eins og hún heitir í raun og veru, seljist fyrir fúlgur fjár.
Af hverju? Jú, því allur ágóði rennur til Flóttamannastofnunar SÞ og Girls Inc. og verður aurinn notaður til að mennta börn sem ekki eiga greiðan aðgang að menntun.
911 Sally Carrera Edition er afrakstur 10 mánaða samstarfs Pixar og Porsche. Hér eru þær, Sollurnar tvær:
Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.
