Sagan á bak við nokkur kunnugleg bílamerki
Við þekkjum öll merki bílaframleiðenda. Við sjáum þau á hverjum degi á götunum og í innkeyrslunni okkar, og með hverju þeirrar er verið að kynna vörumerki sem mun sitja í huga hugsanlega viðskiptavina til frambúðar.
En þó að bílamerkin hafi með tímanum orðið fágaðri og nútímavæddari, þá eru þau enn hluti af sögunni. Svo hverjar eru sögurnar á bakvið merkin – af hverju er Audi með fjóra fléttaða hringi, Peugeot ljón og Vauxhall „skrímsli“? Við ætlum að skoða nokkur þeirra nánar.
Merki Porsche
Porsche skjöldurinn var fyrst hugsaður árið 1952, áður en hann kom fram á 356 árið 1954. Stílfærð horn og ríkislitirnir rauðir og svartir enduróma skjaldarmerki Württemberg-Baden, svæðið í kringum Stuttgart í Þýskalandi þar sem fyrirtækið hafði aðsetur. Þá birtist svartur hesturinn úr skjaldarmerki Stuttgart og lagði áherslu á tengsl Porsche við borgina.
Það lýsti einnig krafti bílanna sem Porsche yrði frægur fyrir. Porsche skjöldurinn er einn af fáum sem hafa vart breyst í áranna rás, að undanskildum örlítið lagfærðu letri og sléttun á útlínum hestsins.
Merki Mercedes-Benz
Þriggja stjörnu Mercedes-Benz varð skrásett vörumerki árið 1925, rétt fyrir samruna DMG (Daimler) og Benz & Cie árið 1926, sem skapaði vörumerkið eins og við þekkjum það í dag.
Stjarnan táknar notkun Daimler-mótora á landi, til sjós og í lofti og var sameinað lárberjakransi Benz á fyrstu merkjum.
Árið 1933 var fyrsta form nútímamerkisins búið til – svartur hringrás með skuggamynd Mercedes-stjörnunnar að innan. Stjörnunni, lárberjakransinum og letri var sleppt og stjarnan ein notuð í staðinn á tíunda áratugnum.
Merki Renault
?
Þegar merki Renault var fyrst hannað árið 1900 samanstóð það af samtvinnuðum upphafsstöfum Renault-bræðranna Louis, Marcel og Fernand. Merkið var upphaflega hringlaga framan á bílnum sem var skorið út þar sem flautan var á bak við merkið og hljóðið þurfti heyrast.
Merkið gekk í gegnum margar umbreytingar áður en það þróaðist í demant árið 1925. Síðan þá hefur það verið þróað í þrívíddarmerki sem við þekkjum núna. Guli liturinn sem er víða tengdur vörumerkinu var fyrst felldur inn í hönnunina árið 1946, þegar fyrirtækið var þjóðnýtt í Frakklandi.
Merki Audi
Hver af fjórum samtengdum hringjum Audi táknar einn af fjórum áður óháðum framleiðendum – Audi, DKW, Horch og Wanderer – sem sameinuðust til að búa til nútíma Audi AG.
Samtengdir hringir tákna einingu þessara fjögurra stofnendafyrirtækja, en hverju af þessum fjórum vörumerkjunum var úthlutað ákveðnum markaðshluta innan samstæðunnar.
DKW tók ábyrgð á mótorhjólum og litlum bílum; Wanderer smíðaði meðalstóra bíla; Audi smíðaði bíla í lúxus meðalstærðarflokki og orch framleiddi lúxusbíla í toppflokki.
Merki Vauxhall
Vauxhall „griffin“ eða skrímslið var fyrst notaður á skjaldarmerki Fulks le Breant, málaliða eða hermanns, sem John kóngur veitti tiltilinn „ Manor of Luton“ á 13. öld og gaf honum hús í Lambeth, London. Hann nefndi bygginguna „Fulks hall“, og með tímanum breyttist nafnið í „Vauxhall“.
Vauxhall Ironworks-verksmiðjuranar tók síðar upp „griffin“ sem lógó árið 1857 og héldu því áfram árið 1903 þegar það varð að bílafyrirtækinu sem við þekkjum nú.
Merki Peugeot
Peugeot ljónið hefur gengið í gegnum nokkrar stórkostlegar breytingar á ævinni. Árið 1847, þegar Peugeot framleiddi sagarblöð og önnur verkfæri, var ljónið valið sem lógó til að endurspegla styrk og sveigjanleika sagarblaðana.
Ýmsum útgáfum af gylltu ljóninu var að lokum skipt út fyrir nýja kynslóð lógósins – ljónið í útlínum kom með 604 árið 1975. Það hefur lítið breyst síðan þá og þróaðist í fljótandi hönnun, þar til nú að enn ný útgáfa að merkinu var kynnt.
Merki Citroen
Á ferð til Póllands árið 1890 uppgötvaði Andre Citroen gírskurðarferli sem var byggt á hönnun með V-laga ferli („chevron“). Citroen leit á þetta sem leiðina til að hefja feril sinn í framleiðslu og því árið 1919, þegar hann byrjaði að smíða ökutæki, tók hann upp tvöfalda V-laga merkið sem merki sitt.
Auðvitað hefur það orðið mikil breyting á árunum þar á milli, en það var ekki fyrr en á níunda áratugnum að bláa og gula litnum var fórnað og hvítt og rautt kom í staðinn til að fá kraftmeira útlit.
Merki Skoda
Skoda nafnið kom ekki fram fyrr en 1926 – um það bil 30 árum eftir að fyrirtækið fæddist (það var upphaflega kallað Laurin og Klement eftir stofnendunum).
Með nafnbreytingunni fylgdi nútímamerkið.
Uppruni vængjaðrar örvar er óþekktur, þó sögusagnir bendi til þess að hringurinn tákni heiminn, vængirnir tækniframfarir og örin háþróaðar framleiðsluaðferðir. Það var ekki fyrr en árið 1999 sem skjöldurinn fékk núverandi liti. Skoda kynnti nýjasta merkið sitt á bílasýningunni í Genf 2011.
(byggt á samantekt á vef Auto Express)
