Sænska Pólstjarnan sem varð kínversk
- 2021 árgerð Polestar 3 á að vera sprækur sportjeppi með áhrifum frá Precept-hugmyndabílnum
- Yfirmaður hönnunar vörumerkisins segir að komandi keppinautur Tesla Model X muni vera með áhrif naumhyggju í hönnun og skemmtilegra gangverki
Polestar er bifreiðamerki í sameiginlegri eigu Volvo Car Group og móðurfyrirtækis þess, Geely Auto Group í Hangzhou í Kína. Það er með höfuðstöðvar í Gautaborg í Svíþjóð og framleiðsla fer fram í Chengdu í Kína. Fyrirtækið þróar rafknúna sportlega bíla og býður upp á vélbúnaðaruppfærslur og hagræðingu vélarhugbúnaðar fyrir Volvo-bíla í gegnum tæknideild Polestar.
Hinn 25. febrúar 2020 afhjúpaði Polestar hugmyndabílinn Precept, sem á að verða grunnurinn að þessum nýja Polestar 3.
Lykilatriði þriðja bílsins frá Polestar verður bíll sem tekur mikinn innblástur í útliti frá nýlega afhjúpaða hugmyndabílnum Precept.
Forstöðumaður hönnunar bílsins, Max Missoni, sagði Autocar að þrátt fyrir að framleiðsluútgáfan af Precept hafi ekki verið staðfest mun það hafa áhrif á Polestar 3, sem búist er við að komi árið 2021.
„Hönnunarmál þess bíls er eitthvað sem þú getur og átt að búast við í framtíðarbílum okkar, byrjar á Polestar 3,“ sagði hann.
Missoni benti enn frekar á að þessi þriðji bíll Polestar yrði fágaður og sléttur keppinautur Tesla Model X og bætti við: „Næsti bíll okkar verður aflmikill sportjeppi, Polestar 3, og mun bera nokkrar af þeim eiginleikum og hönnunarleiðum sem þú hefur séð í Precept-hugmyndabílnum“.
Þessi Polestar 3, sem mun fylgja í kjölfar þess fyrsta, sem er tengitvinngerð og númer tvö sem er „fastback“, mætti því búast við að halda áfram með þau frávik Polestar frá móðurfyrirtækinu Volvo, með loftaflfræðilegt form, mjóan framenda og afturljós sem ná yfir allan afturendann meðal þess sem eru mest áberandi eiginleikar.
„Við erum mjög áhugasöm um að halda naumhyggju yfirborði á hlutunum, halda hlutunum afar hreinum og skýrum“, sagði Missoni og benti til þess að þessi þriðji bíll væri með nútímalegri, einfaldri innréttingu eins og í bíl númer tvö, þar sem hefðbundnir hnappar og rofar væru nánast horfnir en aðgerðirnar væru á stórum miðlægum snertiskjá.
Þrátt fyrir líklega að veghæð verði verulega hærri bíllinn mun og vega meira en núverandi Polestar framleiðslubílar, munu bíll númer 3 vera í samræmi við gildi vörumerkisins um framúrskarandi afköst og miða að því að skila ánægjulegri virkni.
„Við viljum að bílarnir séu afreksbílar, ekki aðeins frá 0-100 km/klst en einnig bílar sem eru frábærir í akstri“, sagði Missoni. „Allir bílarnir okkar, sérstaklega með frammistöðupakkann, munu uppfylla nokkrar af þessum óskum.“
Um Polestar
Polestar nafnið er upprunnið frá STCC Polestar keppnisliðinu sem var á vegum Polestar Performance AB sem Volvo Cars eignaðist síðan í júlí 2015. Keppnisliðið breytti nafni sínu í Cyan Racing en hélt nánum tengslum bæði við Volvo og Geely, en síðar með áherslu á Lynk & Co , systurmerki Polestar.
Samkeppni við Tesla
Í júní 2017 tilkynnti Volvo að Polestar myndi byrja að framleiða hágæða afkastamikla rafmagnsbíla undir eigin nafni og merki, til að keppa við vörumerki eins og Tesla Motors. Polestar virkar einnig sem nýsköpunarstofa fyrir Volvo Car Group og þróar hönnun og tækni af meira á vettvangi tilrauna.
Fyrsti Polestar bíllinn var kynntur 17. október 2017: Polestar 1, lúxus 2 + 2 coupé innblásin af Volvo Concept Coupé sem kynntur var árið 2013, en þar er meðal annars eru áhrif frá hinum víðfræga Volvo P1800. Polestar 1 er með rafknúinn drifbúnað með samsettum afköstum 450 kW (600 hestöfl) og 1.000 Nm af togi, samsett með tveimur 80 kW (110 hestafla) mótorum að aftan. Bíllinn er með 34 kWh (46 hestafla) rafhlöðu og aksturssvið á bilinu 150 km í hreinni rafmagnsstillingu. Polestar 1 er smíðaður í nýrri, sérhannaðri Polestar framleiðslumiðstöð í Chengdu í Kína frá 2019, með framleiðslugetu allt að 500 á ári og er aðgengilegur í áskrift fremur en sölu.
Árið 2019 tilkynnti Polestar Polestar 2, meðalstóran rafhlöðuknúin bíl (BEV). Hann var afhjúpaður 27. febrúar 2019 í afhjúpun á netinu sem send var út frá höfuðstöðvum Polestar í Gautaborg í Svíþjóð. Í kjölfar þess var bíllinn síðan frumsýndur á bílasýningunni í Genf árið 2019. Upphafsáfanga Polestar vöruþróunarinnar verður síðan lokið með síðari komu stærri jeppa-stíl BEV, Polestar 3, eins og fkjallað var um hér að ofan.
Hugmyndabíllinn Precept
Hinn 25. febrúar 2020 afhjúpaði Polestar hugmyndabílinn Precept. Reiknað var með því að frumsýning yrði á bílasýningunni í Genf árið 2020, en sýningin var felld niður sem varúðarráðstöfun vegna COVID-19 heimsfaraldursins.
(byggt á Autocar og wikipedia)
