Renault hugmyndabíllinn gefur til kynna nýja hönnunarstefnu en staðfestir jafnframt áhuga vörumerkisins á vetnisbrennslutækni.
Renault hefur forsýnt nýjan hugmyndabíl sem hannaður er til að sýna vetniseldsneytistækni ásamt sókn franska framleiðandans í átt að aukinni sjálfbærni.
Þessi nýi bíll sem er enn ónefndur var sýndur á kynningu, af Luca de Meo forstjóra Renault, á fjárhagsuppgjöri fyrirtækisins fyrir árið 2021. Í stuttri yfirlýsingu sem gefin var út eftir ræðuna segir að bíllinn hafi verið hannaður af Gilles Vidal, nýlega skipuðum hönnunarstjóra Renault, og að hann myndi „þýða skuldbindingar samstæðunnar um sjálfbæra þróun og túlka þær fyrir Renault vörumerkið, í þjónustu sjálfbærs, öruggs hreyfanleika án aðgreiningar“. Það var einnig staðfest að bíllinn verður opinberaður að fullu í maí.
De Meo sagði sjálfur: „Við munum fljótlega setja á markað hugmyndabíl. Við vildum gera sýn okkar um sjálfbærni að veruleika, byggða á grunnstoðunum þremur – öryggi, þátttöku og umhverfi – í einni vöru. Þessi hugmyndabíll mun tilkynna framtíðarvöru. Þegar við búum til hugmyndabíla hjá Renault viljum við breyta þeim í alvöru bíla.“
Eina kynningarmyndin sýnir hugmyndina beint að framan, en það er hægt að sjá að bíllinn er með frekar mjóa framljósalínu og grill að framan ásamt töluverðu bili niður á botn framstuðarans, sem er áberandi með háum dagljósum. Þetta bendir til þess að bíllinn sé hærri en væntanlegur rafknúinn Megane og að öllum líkindum fullþroska sportjepplingur í sniðinu.
De Meo sagði að eftir að hafa farið í gegnum hagræðingar- og kostnaðarlækkunaráætlun væri Renault nú einbeitt í þeirri áskorun að afhenda 27 nýjar gerðir fyrir árslok 2025. „Raunverulegt markmið okkar er samkeppnishæfni framtíðarlínunnar,“ sagði hann. . „Ég er mjög viss um það sem við erum að gera með verkfræði og hönnun, svo öll verkefnin líta mjög, mjög vel út. Við erum að byggja upp besta vörulínuna sem Renault hefur haft á undanförnum áratugum, að minnsta kosti.“
Hann staðfesti einnig nokkrar mikilvægar framtíðarkomur, með því að sýna að CMF-EV grunnurinn sem styður Megane E-Tech mun, með tímanum, einnig skapa grunn fyrir „framtíðar Scenic“ – arftaka vinsæla litla fjölnotabílsins frá Renault – og Alpine GT X-Over.
Hinn margumtalaði endurfæddi Renault 4 hefur einnig fengið grænt ljós á framleiðslu; við framleiðslu hans verður notast við sama minni alrafmagnaða grunninn, CMF-B, og Renault 5. Og að lokum er þegar fyrirhuguð ný kynslóð af rafmagnsbílnum Dacia Spring, sem notar enn minni (og ódýrari) rafbílagrunn, CMF-A.
Sala Renault samstæðunnar dróst örlítið saman árið 2021, en de Meo sagði að viðsnúningsáætlunin „Renaulution“ hjá fyrirtækinu væri meira en ári á undan áætlun nú þegar, með miklu bættu sjóðstreymi, meiri hlutdeild arðbærni, hágæða gerðum og mikla lækkun á föstum kostnaði. Hann sagði einnig að E-Tech rafknúin ökutæki – tvinn, tengiltvinnbílar og hreint rafmagnstæki – væru meira en þriðjungur af allri fólksbílasölu Renault og að þessi tækni hafi þegar í raun komið í stað dísilolíu í vöruflokki fyrirtækisins.
(frétt á Auto Express)
Umræður um þessa grein